ភ្នំពេញ៖ សាធារណជន ដែលមានក្រដាសប្រាក់រៀល ចាស់ ទក់ រហែក អាចប្ដូរយកក្រដាសប្រាក់រៀលថ្មីដោយឥតគិតថ្លៃ នៅក្នុងកម្មវិធីផ្សព្វផ្សាយ ស្តីពី ប្រាក់រៀល ប្រព័ន្ធបាគង និងប្រព័ន្ធខេអេចឃ្យូអរ (KHQR) ក្នុងឱកាសអបអរសាទរខួបលើកទី៤៥ នៃការដាក់ឱ្យចរាចរប្រាក់រៀលឡើងវិញ។ នេះបើតាមការចុះផ្សាយរបស់ ធនាគារជាតិ នាថ្ងៃទី២៤ ខែមេសា ឆ្នាំ២០២៥។

កម្មវិធីផ្សព្វផ្សាយ ស្តីពី ប្រាក់រៀល ប្រព័ន្ធបាគង និងប្រព័ន្ធខេអេចឃ្យូអរ ដែលរៀបចំឡើងដោយ ធនាគារជាតិនៃកម្ពុជានេះ នឹងធ្វើឡើងនៅថ្ងៃទី៣០ ខែមេសា ឆ្នាំ២០២៤ នៅសួនច្បារមាត់បឹងតាកែវ ខេត្តតាកែវ ដោយក្នុងនោះក៏មានរៀបចំការតាំងពិព័រណ៍ និងការប្រគំតន្ត្រីផងដែរ។ គួរបញ្ជាក់ថា ក្នុងព្រឹត្តិការណ៍នេះ សាធារណជន អាចចូលរួមដោយសេរី ចាប់ពីម៉ោង ៨:០០នាទីព្រឹក ដល់ ៧:០០នាទីល្ងាច៕