ភ្នំពេញ៖ បច្ចេកវិទ្យា បានផ្តល់នូវជម្រើសជាច្រើនតាមរយៈកម្មវិធីទូរសព្ទដៃ និងគេហទំព័រ ដើម្បីជួយឱ្យសាធារណជន អាចស្វែងរកកន្លែងដើរលេងកម្សាន្តបានយ៉ាងឆាប់រហ័ស និងរៀបចំផែនការធ្វើដំណើរកាន់តែងាយស្រួល។ ខាងក្រោមនេះជាកម្មវិធី និងគេហទំព័រមួយចំនួន ដែលអ្នកប្រើប្រាស់អាចស្វែងរកកន្លែងកម្សាន្តបាន៖

១. Agoda ៖ គឺជាកម្មវិធីទូរសព្ទដៃ និងគេហទំព័រដ៏ល្បីមួយ សម្រាប់កក់សណ្ឋាគារ រមណីយដ្ឋាន និងកន្លែងស្នាក់នៅទូទាំងប្រទេសកម្ពុជា និងលើសកលលោក។ លោកអ្នកអាចប្រើ Agoda ដើម្បីស្វែងរកកន្លែងស្នាក់នៅជិតតំបន់ទេសចរណ៍ ដូចជាអង្គរវត្ត, ឆ្នេរសមុទ្រនៅព្រះសីហនុ ឬក៏កន្លែងស្ងប់ស្ងាត់នៅខេត្តកំពតជាដើម។ Agoda តែងផ្តល់នូវតម្លៃសមរម្យ និងការបញ្ចុះតម្លៃពិសេសសម្រាប់អ្នកប្រើប្រាស់ថ្មីផងដែរ ហើយកម្មវិធីមួយនេះ ងាយស្រួលក្នុងការប្រើប្រាស់ និងអាចកក់ជើងហោះហើរបានផងដែរ។

២. Booking.com ៖ គឺជាជម្រើសមួយផ្សេងទៀត ដែលមានប្រជាប្រិយភាពសម្រាប់ស្វែងរកកន្លែងស្នាក់នៅ និងគោលដៅទេសចរណ៍ ព្រោះកម្មវិធីនេះ អនុញ្ញាតឱ្យលោកអ្នកស្វែងរកសណ្ឋាគារ ផ្ទះសំណាក់ ឬវីឡានៅតាមតំបន់ផ្សេងៗនៅកម្ពុជា។ សាធារណជន អាចទទួលយកលទ្ធផលដោយផ្អែកលើតម្លៃ ទីតាំង ឬសេវាកម្មដែលផ្តល់ជូនជាក់ស្តែង។ លើសពីនេះ Booking.com ក៏មានមុខងារណែនាំកន្លែងទេសចរណ៍ នៅជិតកន្លែងស្នាក់នៅរបស់អ្នក ដែលធ្វើឱ្យការរៀបចំផែនការធ្វើដំណើរកាន់តែមានភាពងាយស្រួល។

៣. Trip.com គឺជាកម្មវិធីទូរសព្ទដៃ និងគេហទំព័រដ៏ពេញនិយមសម្រាប់ការកក់សណ្ឋាគារ ជើងហោះហើរ និងសកម្មភាពទេសចរណ៍នៅទូទាំងពិភពលោក រួមទាំងនៅកម្ពុជា។ អ្នកអាចប្រើ Trip.com ដើម្បីស្វែងរកកន្លែងស្នាក់នៅនៅទីកន្លែងទេសចរណ៍ដ៏ល្បីដូចជា សៀមរាប (អង្គរវត្ត) ព្រះសីហនុ (ឆ្នេរសមុទ្រ) ឬកំពត (ទេសភាពធម្មជាតិ)។ Trip.com ផ្តល់ជូននូវជម្រើសច្រើន ព្រមទាំងមានការបញ្ចុះតម្លៃជាញឹកញាប់។ លើសពីនេះ កម្មវិធីនេះអនុញ្ញាតឱ្យអ្នកកក់សំបុត្រចូលទស្សនាកន្លែងទេសចរណ៍ និងសេវាកម្មដឹកជញ្ជូន ដែលធ្វើឱ្យការធ្វើដំណើររបស់លោកអ្នកកាន់តែមានភាពងាយស្រួល៕