ភ្នំពេញ៖ ក្រសួងពាណិជ្ជកម្ម លើកទឹកចិត្តគណៈប្រតិភូធុរកិច្ចឥណ្ឌាឱ្យពិនិត្យលទ្ធភាពវិនិយោគលើវិស័យកសិកម្មកែច្នៃ ជាពិសេសលើផលិតផលសក្តានុពល ដូចជាស្វាយចន្ទី ដើម្បីផលិតនិងនាំចេញទៅទីផ្សារអន្តរជាតិ។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី២២ ខែមីនា ឆ្នាំ២០២៥។

ការលើកទឹកចិត្តនេះ ធ្វើឡើងក្នុងជំនួបពិភាក្សារវាងឯកឧត្តម ពេជ ឫទ្ធី រដ្ឋលេខាធិការក្រសួងពាណិជ្ជកម្ម និងគណៈប្រតិភូធុរកិច្ចឥណ្ឌា ដឹកនាំដោយ លោក Amresh Kumar Singh ប្រធានសហព័ន្ធធុរជននិងអ្នកផ្លាស់ប្តូរអន្តរជាតិ។ កិច្ចប្រជុំនេះ ធ្វើឡើងដើម្បីពិភាក្សាពីសក្តានុពលនិងការពង្រឹងកិច្ចសហប្រតិបត្តិការរវាងសហគមន៍ធុរកិច្ចកម្ពុជា-ឥណ្ឌាផងដែរ៕