ភ្នំពេញ៖ ក្រសួងពាណិជ្ជកម្ម សហការជាមួយសហភាពសហព័ន្ធយុវជនកម្ពុជា រៀបចំ «ពិព័រណ៍ផលិតផលខ្មែរ» ក្នុងព្រឹត្តិការណ៍អង្គរសង្ក្រាន្ត ក្រោមប្រធានបទ «ញញឹមសាទរសង្ក្រាន្តឆ្នាំថ្មី» ពីថ្ងៃទី១៤ ដល់១៦ ខែមេសា ឆ្នាំ២០២៥ នៅបរិវេណមុខប្រាសាទអង្គរវត្ត នៅទីក្រុងសៀមរាប ខេត្តសៀមរាប។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី១២ ខែមីនា ឆ្នាំ២០២៥។

ព្រឹត្តិការណ៍ពិព័រណ៍នេះ ធ្វើឡើងដើម្បីអបអរសាទរពិធីបុណ្យចូលឆ្នាំថ្មីប្រពៃណីខ្មែរ។ ព្រឹត្តិការណ៍នេះ ក៏នឹងក្លាយទៅជាវេទិកាចែករំលែកបទពិសោធរបស់មនុស្សជំនាន់មុន និងយុវជនជំនាន់ក្រោយ ហើយក៏បានប្រែក្លាយទៅជាយន្តការអភិរក្ស និងអភិវឌ្ឍន៍ វប្បធម៌ប្រពៃណីខ្មែរផងដែរ។

ចំពោះ ពាណិជ្ជករ និងសាធារណជន ដែលមានចំណាប់អារម្មណ៍ចង់ចូលរួមដាក់តាំងបង្ហាញ លក់ផលិតផលឬសេវាកម្ម និងស្វែងរកដៃគូពាណិជ្ជកម្ម ក្នុងព្រឹត្តិការណ៍ពិព័រណ៍ខាងលើ អាចទំនាក់ទំនងមកមន្ត្រីសម្របសម្រួលតាមរយៈទូរស័ព្ទលេខ ០១៥ ៥៥ ៣៣ ៥៥ ឬ ០៧០ ៩៤ ០៦ ០៦ ឬមន្ទីរពាណិជ្ជកម្មខេត្តសៀមរាបតាមទូរស័ព្ទលេខ ០១២ ៥៥០ ៦៣៥៕