ភ្នំពេញ៖ ក្រសួងទេសចរណ៍ និងវិទ្យុមិត្តភាព កម្ពុជា-ចិន នៃអគ្គស្ថានីយវិទ្យុនិងទូរទស្សន៍មជ្ឈិមចិន ចាប់ដៃគ្នាជំរុញការផ្សព្វផ្សាយទេសចរណ៍តាមទម្រង់ «ប្រព័ន្ធផ្សព្វផ្សាយបូកទេសចរណ៍»។ នេះបើតាមការពិភាក្សារវាងឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងលោកស្រី Xu Xiaoxia អគ្គនាយិកាវិទ្យុមិត្តភាព កម្ពុជា-ចិន។

ក្នុងកិច្ចពិភាក្សាការងារ កាលពីថ្ងៃទី០៩ ខែមីនា ឆ្នាំ២០២៥ ធ្វើឡើងដើម្បីការផ្លាស់ប្តូរទស្សនៈ ស៊ីជម្រៅលើការផ្សព្វផ្សាយពីសភាពការណ៍នយោបាយ សង្គម សន្តិសុខ ឱកាសវិនិយោគដ៏ល្អ និងគោលដៅទេសចរណ៍ដ៏សម្បូរបែបនៅកម្ពុជាឱ្យបានទូលំទូលាយ ជូនដល់ប្រជាជន និងធុរជនចិន ក្នុងការទាក់ទាញឱ្យមានការធ្វើដំណើរកម្សាន្ត និងមកបណ្តាក់ទុនក្នុងវិស័យទេសចរណ៍ឱ្យកាន់តែច្រើនឡើងក្នុងឆ្នាំ២០២៥នេះ៕