ភ្នំពេញ៖ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ ពិភាក្សាជាមួយលោក Asitha Dissanayake តំណាងក្រុមហ៊ុនអាកាសចរណ៍កាតា (QATAR AIRWAYS) ដើម្បីផ្សព្វផ្សាយគោលដៅទេសចរណ៍របស់កម្ពុជា តាមរយៈសម្ភារផ្សព្វផ្សាយទេសចរណ៍លើយន្តហោះ ដូចជាទស្សនាវដ្ដី និងបណ្ណផ្នត់ជាដើម។

ក្នុងកិច្ចពិភាក្សាការងារ កាលពីថ្ងៃទី៥ ខែមីនា ឆ្នាំ២០២៥ ស្តីពីកិច្ចសហប្រតិបត្តិការក្នុងការតភ្ជាប់ជើងហោះហើរត្រង់រវាងកម្ពុជា-ក្រុមហ៊ុនអាកាសចរណ៍កាតា ឯកឧត្តម ហួត ហាក់ និងលោក Asitha Dissanayake ក៏បានជជែកពីកិច្ចសហប្រតិបត្តិការលើការផលិតវីដេអូពីសក្តានុពលទេសចរណ៍កម្ពុជា ដើម្បីផ្សព្វផ្សាយក្នុងជើងហោះហើរផងដែរ។ នេះបើតាមការចុះផ្សាយរបស់ ក្រសួងទេសចរណ៍៕