ភ្នំពេញ៖ ផ្សារមូលបត្រកម្ពុជា (CSX) បើកវគ្គបណ្តុះបណ្តាលពីវិធីសាស្ត្រជ្រើសរើសភាគហ៊ុនឱ្យបានត្រឹមត្រូវ ដើម្បីដាក់ទុនវិនិយោគឱ្យមានប្រសិទ្ធិភាព។ នេះបើតាមការចុះផ្សាយរបស់ ផ្សារមូលបត្រកម្ពុជា នាថ្ងៃទី៣ ខែមីនា ឆ្នាំ២០២៥។

វគ្គចែករំលែកចំណេះដឹងនេះ នឹងបែងចែកជា ៣ប្រធានបទធំៗ រួមមាន «ការស្វែងយល់ពីថ្លៃភាគហ៊ុន» ចាប់ផ្តើមនៅថ្ងៃទី៧ ខែមីនា ឆ្នាំ២០២៥ វេលាម៉ោង ៣:៣០ ដល់ ៤:៣០រសៀល, «សិក្សាហិរញ្ញវត្ថុក្រុមហ៊ុន» នឹងប្រព្រឹត្តឡើងនាថ្ងៃទី២១ ខែមីនា ឆ្នាំ២០២៥ និងស្វែងយល់ពីក្រុមហ៊ុន នឹងធ្វើឡើងនៅថ្ងៃទី៤ ខែមេសា ឆ្នាំ២០២៥។

ចំពោះសាធារណជន ដែលមានបំណងចូលរួមវគ្គបណ្តុះបណ្តាលខាងលើនេះ អាចចុះឈ្មោះតាមរយៈតំណភ្ជាប់ https://t.me/+IF6dsajdC1BmZmNl ៕