ភ្នំពេញ៖ «ប្រព័ន្ធសន្តិសុខសាយប័រ» គឺជាធាតុផ្សំសំខាន់មួយ នៃហេដ្ឋារចនាសម្ព័ន្ធឌីជីថល ដែលជួយផ្តល់ឱ្យអ្នកប្រើប្រាស់នូវវិធានការសុវត្ថិភាពក្នុងការការពារទិន្នន័យសំខាន់ៗពីការបំពាន ឬបាត់បង់តាមរយៈការប្រើប្រាស់ Firewalls ដែលដើរតួនាទីជារបាំងការពារការគាំរាមកំហែងពីខាងក្រៅ ការធ្វើEncryptionដែលធានាសុវត្ថិភាពទិន្នន័យក្នុងពេលបញ្ជូន និងការប្រើប្រាស់ Multi-factor Authentication ដែលជួយបន្ថែមស្រទាប់នៃការផ្ទៀងផ្ទាត់ ដើម្បីការពារការចូលប្រើប្រាស់ដោយគ្មានការអនុញ្ញាត។

បើតាមកម្ពុជា ៤.០ ការដាក់ចេញនូវវិធានការសុវត្ថិភាពមួយដ៏រឹងមាំ មិនត្រឹមតែបានជួយដល់ស្ថាប័នក្នុងការការពារទិន្នន័យសំខាន់របស់ពួកគេប៉ុណ្ណោះទេ ប៉ុន្តែថែមទាំងជួយរក្សាទំនុកចិត្ត និងការពារកេរ្តិ៍ឈ្មោះរបស់ស្ថាប័ន ឱ្យផ្តល់នូវឧត្តមភាពប្រកួតប្រជែង និងជួយស្ថាប័ន ឬអាជីវកម្មជៀសវាងការចំណាយបន្ថែមផងដែរ៕