ភ្នំពេញ៖ គណៈកម្មាធិការសេដ្ឋកិច្ច និងធុរកិច្ចឌីជីថល នឹងរៀបចំ «វេទិកាសេដ្ឋកិច្ចឌីជីថល ២០២៥» នៅថ្ងៃទី១១-១២ ខែមីនា ឆ្នាំ២០២៥ ដើម្បីចែករំលែកចំណេះដឹង ទស្សនទានថ្មីៗ ការសិក្សាពីបញ្ហា និងដំណោះស្រាយអាជីវកម្ម និងសហគ្រាសក្នុងសម័យឌីជីថល។

ក្នុងវេទិកាសេដ្ឋកិច្ចឌីជីថលនេះ នឹងមានការចូលរួមពីភ្ញៀវកិត្តិយសមកពីក្រសួង-ស្ថាប័ន និងអ្នកជំនាញក្រុមហ៊ុនដំណោះស្រាយឌីជីថលនានា ដើម្បីធ្វើបទបង្ហាញ និងកិច្ចពិភាក្សាលើប្រធានបទ ដែលទាក់ទងនឹងសេដ្ឋកិច្ចឌីជីថល។ ប្រធានបទនោះ មានដូចជាការបង្ហាញបច្ចេកវិទ្យាដំណោះស្រាយឌីជីថល និងគំរូអាជីវកម្មថ្មីៗក្នុងយុគសម័យសេដ្ឋកិច្ច-ឌីជីថល និងការកសាងបណ្តាញទំនាក់ទំនង និងការចូលរួមក្នុងប្រព័ន្ធអេកូឡូស៊ីធុរកិច្ចឌីជីថលនៅកម្ពុជា៕