ភ្នំពេញ៖ ក្រសួងព័ត៌មាន នឹងរៀបចំធ្វើបាឋកថាក្រោមប្រធានបទស្តីពី «កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់៖ ទិដ្ឋភាពភូមិសាស្ត្រនយោបាយ និងភូមិសាស្ត្រសេដ្ឋកិច្ច» ថ្ងៃទី១៣ កញ្ញាស្អែកនេះ នាទីស្ត្រីការក្រសួងព័ត៌មាន ចាប់ពីម៉ោង៩ព្រឹកតទៅ។

បើតាមសេចក្តីប្រកាសព័ត៌មានរបស់ក្រសួងព័ត៌មាន កាលពីថ្ងៃទី១១ ខែកញ្ញា ឆ្នាំ២០២៣នេះ ការធ្វើបាឋកថាក្រោមប្រធានបទស្តីពី «កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់៖ ទិដ្ឋភាពភូមិសាស្ត្រនយោបាយ និងភូមិសាស្ត្រសេដ្ឋកិច្ច»នេះ ក្រសួងព័ត៌មានសហការជាមួយនឹងវិទ្យាស្ថានចក្ខុវស័យអាស៊ី (AVI) ដោយមានការចូលរួមពីឯកឧត្តមសាស្ត្រាចារ្យបណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស និងលោក នេត្រ ភក្ត្រា រដ្ឋមន្ត្រីក្រសួងព័ត៌មាន៕