ភ្នំពេញ៖ ដើម្បីប្រើប្រាស់កម្ចីឱ្យបានជោគជ័យ ប្រជាពលរដ្ឋដែលប្រើកម្ចីត្រូវអនុវត្តនៅចំណុចសំខាន់ចំនួន ៨ចំណុច។ បើតាមការចុះផ្សាយរបស់សមាគមមីក្រូហិរញ្ញវត្ថុកម្ពុជា កាលពីថ្ងៃទី០៨ ខែកុម្ភៈ ឆ្នាំ២០២៥ ចំណុចសំខាន់ចំនួន ៨ចំណុចនេះ មានដូចជា៖

ទី១. បែងចែកឱ្យច្បាស់រវាងកម្ចីបង្កើនចំណូល និងកម្ចីដែលបង្កឱ្យជាប់បំណុល, ទី២. ប្រើប្រាស់កម្ចីឱ្យចំគោលដៅ, ទី៣. កម្ចីដែលខ្ចីមកត្រូវប្រាកដថា ជួយបង្កើតចំណូលដល់យើង ឬកាត់បន្ថយចំណាយ, ទី៤. មានផែនការហិរញ្ញវត្ថុច្បាស់លាស់ ជាពិសេសផែនការប្រើប្រាស់កម្ចី និងសងត្រលប់, ទី៥. ពិនិត្យ និងគ្រប់គ្រងលំហូរសាច់ប្រាក់ឪ្យប្រាកដថា ពិតជាមានលទ្ធភាពសងក៏វិញបាន ដោយការសងត្រលប់ក្នុងមួយខែៗ មិនគួរប៉ះពាល់ដល់កាបោយរាយប្រចាំថ្ងៃនោះទេ ឬមិនលើស៣0% នៃប្រាក់ចំណូល។

ចំពោះ ទី៦. បើករណីមានកម្ចីច្រើនស្ថានប័ន យើងគួរបាត់លំដាប់កម្ចីទៅតាមទំហំកម្ចីដែលនៅសល់ អត្រាការប្រាក់ដែលត្រូវសង កំណត់ថ្ងៃសងត្រលប់ និងប៉ាន់ស្មានថ្ងៃសងត្រលប់ បន្ទាប់មកយកទៅធ្វើផែនការសងត្រលប់, ទី៧. ប្រើប្រាស់កម្ចីឱ្យត្រូវតាមតម្រូវការ និងស្ថានភាពហិរញ្ញវត្ថុរបស់ខ្លួនឯង និងទី៨. ប្រសិនបើមានភាពលំបាកក្នុងការសងត្រលប់ អតិថិជនអាចទៅស្នើសុំគ្រឹះស្ថានរៀបចំឥណទានឡើងវិញ នឹងចរចារជាមួយគ្រឹះស្ថានមិនរកដំណោះស្រាយ៕