ភ្នំពេញ៖ ក្រុមហ៊ុនធំៗចំនួន១៩ ផ្តល់ឱកាសការងារចំនួន ២ ០៣៤កន្លែង ដល់យុវជន សិស្ស និស្សិត និងអ្នកស្វែងរកការងារ តាមរយៈវេទិកាការងារ ដែលនឹងធ្វើឡើងនាថ្ងៃទី១៣ ខែកុម្ភៈ ឆ្នាំ២០២៥ ចាប់ពីម៉ោង ៨ព្រឹក ដល់ ៥ល្ងាច នៅក្នុងបរិវេណវិទ្យាស្ថានជាតិពាណិជ្ជសាស្ត្រ។

ក្នុងវេទិកាការងារ ដែលសហការរៀបចំដោយ ភ្នាក់ងារជាតិមុខរបរ និងការងារ (NEA) និងវិទ្យាស្ថានជាតិពាណិជ្ជសាស្ត្រ សិស្ស និស្សិត អាចដាក់ពាក្យភ្លាម និងសម្ភាសភ្លាមៗ ទោះបីជាមិនទាន់មានបទពិសោធ ក៏អាចដាក់ពាក្យបានដែរ។ ចំពោះព័ត៌មានបន្ថែម អាចទាក់ទងមកមជ្ឈមណ្ឌលការងាររាជធានីភ្នំពេញរបស់ NEA តាមរយៈលេខ ០១៦ ៧៨ ៦៦ ៥៥ និងតេលេក្រាម ០៧៧ ២៣២ ៣៧៨ ឬគេហទំព័រ www.nea.gov.kh និងទំព័រ Facebook (neakhmer)៕