ភ្នំពេញ៖ យោងតាមក្រុមប្រឹក្សាអភិវឌ្ឍន៍កម្ពុជា តំបន់សេដ្ឋកិច្ចពិសេស គឺជាតំបន់ដែលមានហេដ្ឋារចនាសម្ព័ន្ធដឹកជញ្ជូនងាយស្រួល មានទីតាំងយុទ្ធសាស្ត្រដែលស្ថិតនៅជិតហេដ្ឋារចនាសម្ព័ន្ធតភ្ជាប់ទៅកាន់ព្រលានយន្តហោះ ឬកំពង់ផែ និងច្រកព្រំដែនអន្តរជាតិ។

តំបន់សេដ្ឋកកិច្ចពិសេស មានភាពងាយស្រួលសម្រាប់សេវាច្រកចេញ-ចូលតែមួយនៅនឹងកន្លែង នៅតាមតំបន់សេដ្ឋកិច្ចពិសេសនីមួយៗ មានការផ្តល់សេវាកម្មជាច្រើនដូចជាសេវារដ្ឋបាល និងបែបបទនៃការនាំចេញ នាំចូលពីអាជ្ញាធរ ពាក់ព័ន្ធជាដើម។

បន្ថែមលើនេះទាក់ទងនឹង សេវាកម្មគាំទ្រដែលផ្តល់ទំនុកចិត្ត និងតម្លៃសមរម្យ តំបន់សេដ្ឋកិច្ចពិសេស យកចិត្តទុកដាក់ទៅលើការផ្គត់ផ្គង់ប្រព័ន្ធទឹក អគ្គិសនី ប្រព័ន្ធប្រព្រឹត្តិកម្មទឹកកខ្វក់ អាងស្តុកទឹកស្អាត ដើម្បីបម្រើដល់ប្រតិបត្តិការវិនិយោគ។ តំបន់នេះ មានការលើកទឹកចិត្តដែលមានភាពទាក់ទាញលើគម្រោងវិនិយោគដែលមានលក្ខណៈសម្បត្តិគ្រប់គ្រាន់ (QIP) ដោយទទួលបាននូវអត្ថប្រយោជន៍ជាច្រើនសម្រាប់ការវិនិយោគ ស្របតាមច្បាប់ និងអនុក្រឹត្យស្ដីពីវិនិយោគនៃកម្ពុជា៕