ភ្នំពេញ៖ កម្ពុជា-ឡាវ កំណត់គោលដៅ និងស្វែងរកកាលានុវត្តភាពបង្កើនទំហំពាណិជ្ជកម្ម កិច្ចសហប្រតិបត្តិការ និងបង្កើតយន្តការអំណោយផលសម្រាប់ធុរកិច្ច និងវិនិយោគរបស់ប្រទេសទាំងពីរ។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី២៨ ខែមករា ឆ្នាំ២០២៥។

ក្នុងកិច្ចប្រជុំគណៈកម្មាធិការពាណិជ្ជកម្មចម្រុះកម្ពុជា-ឡាវ លើកទី២នេះ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម និងឯកឧត្តម Malaithong KOMMASITH រដ្ឋមន្ត្រីក្រសួងឧស្សាហកម្ម និងពាណិជ្ជកម្មឡាវ ក៏បានពិភាក្សានូវចំណុចសំខាន់ៗ មួយចំនួនរួមមាន៖ ទី១. ការកំណត់គោលដៅពាណិជ្ជកម្មទ្វេភាគី, ទី២. កិច្ចសហប្រតិបត្តិការតំបន់ពាណិជ្ជកម្មសេរី, ទី៣. ពិនិត្យលទ្ធភាពបង្កើតយន្តការផ្សេងៗដើម្បីពង្រីកទំហំពាណិជ្ជកម្មទ្វេភាគី។

ចំពោះ ទី៤. កិច្ចប្រជុំប្រចាំឆ្នាំរបស់រដ្ឋបាលខេត្តជាប់ព្រំដែន, ទី៥. ការតាំងពិព័រណ៍/ពិព័រណ៍ពាណិជ្ជកម្ម ការផ្សព្វផ្សាយពាណិជ្ជកម្ម និងការវិនិយោគ, ទី៦. ទេសចរណ៍ និងភស្តុភារកម្ម និងទី៧. សភាពាណិជ្ជកម្ម និងកិច្ចសហប្រតិបត្តិការឧស្សាហកម្ម៕