ភ្នំពេញ៖ ទិដ្ឋភាពរបស់ប្រជានេសាទ កំពុងប្រមូលទិន្នផលត្រី នាថ្ងៃទី០៥ ខែមករា ឆ្នាំ២០២៥ ដែលស្ថិតនៅគីឡូម៉ែត្រលេខ៩ ខណ្ឌឫស្សីកែវ រាជធានីភ្នំពេញ។

រដ្ឋបាលជលផល បានឱ្យដឹងថា បន្ទាប់ពីខ្នើតខែ មិគសិរកន្លងមក ត្រី បានបន្តបន្លាស់ទីចេញពីបឹងទន្លេសាប បឹង ស្ទឹង និងព្រែកនានា ចូលទន្លេសាប ទន្លេមេគង្គ និងទន្លេបាសាក់ ដែលធ្វើឱ្យអំណោយផលដល់ការធ្វើនេសាទត្រី ពិសេសគន្លងដាយត្រីតាមដងទន្លេសាប នៅភូមិសាស្ត្រខេត្តកណ្តាល និងរាជធានីភ្នំពេញ។

រដ្ឋបាលជលផល បានប្រកាសប្រាប់ដល់ប្រជាពលរដ្ឋ ដែលមានបំណងធ្វើប្រហុក ផ្អក ត្រីឆ្អើរ ឬទឹកត្រី គឺអាចទិញត្រីចាប់ពីថ្ងៃទី២ ដល់ថ្ងៃទី១០ ខែមករា ឆ្នាំ២០២៥ បាន បើក្នុងករណីមេឃស្រឡះល្អ គ្មានភ្លៀងកក់ខែ ឬមិនទទួលរងឥទ្ធិពលព្យុះភ្លៀង៕