ភ្នំពេញ៖ តម្លៃលក់រាយប្រេងសាំងធម្មតាឡើងថ្លៃ ៥០រៀល គឺដល់ ៣ ៩០០រៀល/លីត្រ ខណៈដែលតម្លៃប្រេងម៉ាស៊ូតក៏ឡើងថ្លៃ ៥០រៀល គឺនៅ ៣ ៨០០ រៀល/លីត្រ។ បើតាមសេចក្តីប្រកាសក្រសួងពាណិជ្ជកម្ម កាលពីថ្ងៃទី១ ខែធ្នូនេះ បានកំណត់ឱ្យស្ថានីយប្រេងឥន្ធនៈនៅទូទាំងប្រទេស អនុវត្តចាប់ពីថ្ងៃទី១ ដល់ថ្ងៃទី១០ ខែធ្នូ ឆ្នាំ២០២៤។

តម្លៃអតិបរមាលក់រាយប្រេងឥន្ធនៈនៅតាមស្ថានីយលក់រាយប្រេងឥន្ធនៈទាំងអស់ គឺសម្រាប់អនុវត្ត រយៈពេល១០ថ្ងៃ ចាប់ពីថ្ងៃទី១ ដល់ថ្ងៃទី១០ ខែធ្នូ ឆ្នាំ២០២៤ ដោយកាលពី ១០ថ្ងៃមុន សាំងធម្មតាមានតម្លៃ ៣ ៨៥០រៀល/លីត្រ និងប្រេងម៉ាស៊ូតមានតម្លៃ ៣ ៧៥០រៀល/លីត្រ៕