ភ្នំពេញ៖ សមាគមសហគ្រិនវ័យក្មេងកម្ពុជា (YEAC) នឹងរៀបចំកម្មវិធីកិច្ចសន្ទនាកាហ្វេ (Friday Coffee Talk) ដើម្បីឱ្យសហគ្រិនទទួលទានកាហ្វេ ព្រមទាំងឱ្យម្ចាស់អាជីវកម្មស្វែងយល់ពីទីផ្សារមូលធន ក្នុងគោលដៅបានទុនវិនិយោគ និងពង្រីកអាជីវកម្ម ដោយមិនចាំបាច់កម្ចីពីធនាគារបន្តទៀត។

តាមរយៈកម្មវិធីកិច្ចសន្ទនាកាហ្វេនេះ ម្ចាស់អាជីវកម្ម នឹងអាចផ្សារភ្ជាប់ទំនាក់ទំនង បង្កើតបណ្តាញអាជីវកម្ម និងទទួលបានព័ត៌មានផ្សេងៗសម្រាប់អាជីវកម្ម ជាមួយនឹងប្រធានបទស្ដីពី៖ ទទួលបានមូលធនតាមរយៈ សញ្ញាបណ្ណមានការធានាពី សាជីវកម្មធានាឥណទានកម្ពុជា (CGCC)។ ដើម្បីចូលរួមក្នុងកម្មវិធីខាងលើដោយសេរី និងឥតគិតថ្លៃ សាធារណជន ឬសហគ្រិន អាចចុះឈ្មោះតាមរយៈលេខ +៨៥៥ ៧០ ២៦៣ ៨៦៤។

កម្មវិធីកិច្ចសន្ទនាកាហ្វេ នឹងប្រព្រឹត្តឡើង នាថ្ងៃសុក្រ ទី១៣ ខែធ្នូ ឆ្នាំ២០២៤ វេលាម៉ោង៖ ២:០០ ដល់ ៤:៣០នាទីល្ងាច នៅទីតាំង Young Entrepreneurs Association of Cambodia (Olympia)៕