ភ្នំពេញ៖ ក្រុមហ៊ុន M&C Saatchi ដែលជាក្រុមហ៊ុនមានជំនាញលើការធ្វើទីផ្សារ និងម៉ាកយីហោ នឹងពង្រីកភាពច្នៃប្រឌិតផ្ដល់ដំណោះស្រាយធ្វើទីផ្សារ និងម៉ាកយីហោក្នុងវិស័យទេសចរណ៍ និងវិស័យនានានៅកម្ពុជា។ នេះជាការលើកឡើងរបស់តំណាងក្រុមហ៊ុន M&C Saatchi ក្នុងជំនួបជាមួយឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា។

តាមរយៈកិច្ចប្រជុំពិភាក្សានាឱកាសនេះ និងកម្មវិធីនានាដែលធ្លាប់បានជួបពិភាក្សាជាមួយថ្នាក់ដឹកនាំកម្ពុជាផ្សេងទៀត តំណាងក្រុមហ៊ុន M&C Saatchi រំពឹងថា នឹងមកទស្សនាប្រទេសកម្ពុជា នាពេលខាងមុខ ដើម្បីបង្ហាញពីភាពច្នៃប្រឌិតដែលក្រុមហ៊ុននឹងផ្តល់ដើម្បីកសាងនូវកិត្តិនាមរបស់កម្ពុជាផងដែរ។ នេះបើតាមការចុះផ្សាយរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១៤ ខែវិច្ឆិកា ឆ្នាំ២០២៤៕