ភ្នំពេញ៖ សភាពាណិជ្ជកម្មកម្ពុជា នឹងរៀបចំកម្មវិធីចែករំលែកដើម្បីអាជីវកម្មរីកចម្រើន ក្រោមប្រធានបទ «អត្ថប្រយោជន៏ នៃការប្រើប្រាស់បច្ចេកវិទ្យាក្នុងការធ្វើធុរកិច្ច» នៅថ្ងៃទី២១ ខែវិច្ឆិកា ឆ្នាំ២០២៤។ ក្នុងកម្មវិធីនេះដែរ ម្ចាស់អាជីវកម្ម ពាណិជ្ជករ និងសមាជិក-សមាជិកា អាចចូលរួមដោយឥតគិតថ្លៃ។

កម្មវិធី ដែលគាំទ្រពីសហគ្រិនខ្មែរ និងដៃគូឧបត្ថម្ភនានា នឹងមានការចូលរួមពីវាគ្មិនកិត្តិយស ដូចជាឯកឧត្តមបណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងលោក សុខ សុភមង្គល ស្ថាបនិក និងជាប្រធានក្រុមហ៊ុន Codingate Technology Co,.Ltd ជាដើម។

ចំពោះ ម្ចាស់អាជីវកម្ម និងពាណិជ្ជករ មានបំណងចូលរួមក្នុងកម្មវិធី ដែលប្រព្រឹត្តឡើងវេលាម៉ោង ៨:០០នាទីព្រឹក តទៅ នៅអគារមជ្ឈមណ្ឌលអភិវឌ្ឍធុរកិច្ច (ជាន់ទី៩) អាចចុះឈ្មោះតាមរយៈតំណភ្ជាប់ https://forms.gle/U6MqcwSBXtZAMBiv5 ឬទំនាក់ទំនងតាមលេខទូរសព្ទ ០១២ ៦៧៤ ៧៦៨។ នេះបើតាមការចុះផ្សាយរបស់សភាពាណិជ្ជកម្មកម្ពុជា នាថ្ងៃទី១១ ខែវិច្ឆិកា ឆ្នាំ២០២៤៕