ភ្នំពេញ៖ នៅក្នុងពិភពឌីជីថលដែលកំពុងមានភាពជឿនលឿននាពេលបច្ចុប្បន្ននេះ អ្នកជំនាញផ្នែកព័ត៌មានវិទ្យា (IT) ដើរតួយ៉ាងសំខាន់ក្នុងការជួយជ្រោមជ្រែងវិស័យសហគ្រាសធុនតូច និងមធ្យម (SMEs) ឱ្យកាន់តែមានភាពរីកចម្រើន។ បច្ចេកវិទ្យាព័ត៌មានវិទ្យានាំមកនូវចំណេះដឹង និងបទពិសោធដែលជួយដល់សហគ្រាសធុនតូច និងមធ្យម ក្នុងការអនុវត្តដំណោះស្រាយបច្ចេកវិទ្យា និងរក្សាប្រតិបត្តិការប្រកបដោយប្រសិទ្ធភាព។ ការគាំទ្ររបស់ IT គ្របដណ្តប់គ្រប់ដំណាក់កាលទាំងអស់ ចាប់ពីការធ្វើផែនការគម្រោងដំបូង រហូតដល់ជំនួយបច្ចេកទេសជាបន្តបន្ទាប់។

ក្នុងការអនុវត្តវិស័យបច្ចេកវិទ្យាព័ត៌មានវិទ្យា សម្រាប់សហគ្រាសធុនតូច និងមធ្យម រួមមាន៖ ទី១. ការប្រមូលផ្តុំតម្រូវការ ក្នុងការជួយសហគ្រាសធុនតូច និងមធ្យមកំណត់តម្រូវការបច្ចេកវិទ្យា និងកំណត់គោលដៅដែលអាចធ្វើទៅបាន។ ទី២. ការណែនាំអំពីឧបករណ៍ និងការអនុវត្តល្អបំផុតសម្រាប់ឧស្សាហកម្ម និងផលិតកម្ម របស់សហគ្រាសធុនតូច និងមធ្យម។ ទី៣. ការដោះស្រាយបញ្ហាបច្ចេកទេសយ៉ាងឆាប់រហ័ស ដើម្បីកាត់បន្ថយការរំខានដល់ការផលិត និងការខាតបង់។ ទី៤. ការធានានូវដំណោះស្រាយបំពេញតាមស្តង់ដារដែលត្រូវការសម្រាប់ការអនុវត្ត និងសុវត្ថិភាព។ ទី៥. ផ្តល់ការបណ្តុះបណ្តាលដោយផ្ទាល់ដៃ និងការគាំទ្រឆ្លើយតបសម្រាប់បុគ្គលិក SME ដើម្បីបង្កើនផលិតភាពបំពេញតម្រូវនៃការប្រើប្រាស់របស់អតិថិជន។

សហគ្រាសធុនតូច និងមធ្យម អាចសម្របខ្លួនទៅនឹងបច្ចេកវិទ្យាថ្មីៗ ធ្វើឱ្យខ្សែច្រវាក់ផលិតកម្មរបស់ពួកគេប្រសើរឡើង និងរក្សាបាននូវលទ្ធផលការងារខ្ពស់ ធានាឱ្យអាជីវកម្មមានការប្រកួតប្រជែង និងទទួលបានជោគជ័យ៕