ភ្នំពេញ៖ កម្ពុជា ស្នើឱ្យភាគីចិន ពិនិត្យលទ្ធភាពលើការវិនិយោគក្នុងវិស័យកសិ-ឧស្សាហកម្ម វិស័យកសិកម្ម និងដំណាំយុទ្ធសាស្ត្រជាច្រើនរួមមាន ស្រូវ ដំឡូងមី និងស្វាយចន្ទី ដែលទាមទារឱ្យមានការវិនិយោគកែច្នៃក្នុងស្រុក ដើម្បីបង្កើតតម្លៃបន្ថែមទៀត។ ជាមួយគ្នានេះ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ក៏បានស្នើឱ្យចិនពិចារណាលើការវិនិយោគបង្កើតតំបន់សេដ្ឋកិច្ចពិសេសផងដែរ។

ឯកឧត្តម ជា វុទ្ធី ក៏បានលើកឡើងពីកំណើនខ្ពស់នៃការវិនិយោគរបស់ចិននៅកម្ពុជា ដែលក្នុងរយៈពេលមួយក្នុងឆ្នាំ២០២៣ និង៩ខែដើមឆ្នាំ២០២៤នេះ ប្រទេសចិន ជាប្រភពទុនវិនិយោគធំជាងគេទី១នៅកម្ពុជា ហើយការកើនឡើងនូវការវិនិយោគរបស់ក្រុមហ៊ុនចិននៅកម្ពុជានេះ ក្នុងឧស្សាហកម្មដែលប្រើបច្ចេកវិទ្យាទំនើប និងការវិនិយោគបង្កើតតំបន់សេដ្ឋកិច្ចពិសេស។

លោក Wang Yalian ក៏បានបន្តថាដំណើរទស្សនកិច្ចនៅកម្ពុជានេះ មានបំណងលើកកម្ពស់ទំនាក់ទំនងរវាងប្រទេសទាំងពីរ លើកិច្ចសហប្រតិបត្តិការរវាងក្រុង Jian ដើម្បីជំរុញកំណើនសេដ្ឋកិច្ច និងពាណិជ្ជកម្ម កម្ពុជា-ចិន។ ទន្ទឹមនឹងនេះ លោក Wang Yalian បានបញ្ជាក់ថា បច្ចុប្បន្ន ខេត្ត Jiangxi មានការរីកចម្រើនយ៉ាងឆាប់រហ័ស ពិសេសការវិនិយោគច្រើនក្នុងវិស័យកសិកម្ម ការកែច្នៃចំណីអាហារដោយប្រើបច្ចេកវិទ្យាទំនើប៕