ភ្នំពេញ៖ សម្តេចធិបតី ហ៊ុន ម៉ាណែត បានលើកឡើងថា មូលហេតុដែលកម្ពុជាចូលជាសមាជិករបស់អង្គការពាណិជ្ជកម្មពិភពលោក (WTO) គឺក្នុងទិសដៅបង្កើនសមត្ថភាព និងពង្រឹងផ្ទៃក្នុងទាំងពលរដ្ឋ វិស័យឯកជន និងវិស័យរដ្ឋផងដែរ ដើម្បីឱ្យផលិតផលរបស់កម្ពុជា មានស្តង់ដារ ដែលនាំចេញទៅអន្តរជាតិ រួមទាំងមានគុណភាពប្រកួតប្រជែងទៀតផង។

សម្តេចធិបតីនាយករដ្ឋមន្រ្តី បានគូសបញ្ជាក់ដូច្នេះថា៖ «បើសិនកម្ពុជា បិទទ្វាពង្រឹងឧស្សាហកម្មឱ្យខ្លាំងសិនចាំបើកទ្វារទៅកាន់ទីផ្សារសកល ប្រៀបដូចជាហាត់ក្បាច់គុណក្នុងផ្ទះហើយមិនចេញទៅប្រកួតខាងក្រៅអញ្ចឹង ដូច្នេះហើយការចូល WTO នេះ គឺមានលំហូរនាំចូល និងនាំចេញពាណិជ្ជកម្ម ដែលធ្វើឱ្យកម្ពុជាកាន់តែមានបទពិសោធក្នុងការប្រកួតប្រជែង»។ សម្តេចធិបតី ហ៊ុន ម៉ាណែត ក៏បានបញ្ជាក់ថា រយៈពេល២០ឆ្នាំ កម្ពុជាទទួលបានអត្ថប្រយោជន៍ជាច្រើនពីការចូលជាសមាជិក WTO មានដូចជាការទូត សេដ្ឋកិច្ច សមាហរណកម្មជាមួយយន្តការពហុភាគីតំបន់ ការវិនិយោគ ពាណិជ្ជកម្ម និងបច្ចេកវិទ្យាជាដើម។

សូមអញ្ជើញទស្សនាវីដេអូខ្លីពីប្រសាសន៍របស់សម្តេចធិបតីនាយករដ្ឋមន្រ្តី ក្នុងពិធី «អបអរសាទរខួប ២០ឆ្នាំ នៃកម្ពុជាចូលជាសមាជិកអង្គការ WTO កាលពីថ្ងៃទី១៤ ខែតុលា ២០២៤ អំពីមូលហេតុដែលកម្ពុជាចូលជាសមាជិករបស់អង្គការពាណិជ្ជកម្មពិភពលោក (WTO) ដូចតទៅ៖ https://www.youtube.com/watch?v=S1KyeB3-_dM