ភ្នំពេញ៖ បច្ចុប្បន្ន មាន ៩៩,១៥ភាគរយ នៃចំនួនភូមិទាំងអស់នៅទូទាំងប្រទេសកម្ពុជា មិនមានអគ្គិសនីពីបណ្តាញជាតិប្រើប្រាស់។ ឯកឧត្តម កែវ រតនៈ រដ្ឋមន្ដ្រីក្រសួងរ៉ែ និងថាមពល បានលើកឡើងពីយន្តការចំនួន២ ដើម្បីជួយដល់ផ្ទះបណ្តែតទឹក តំបន់កោះ និងតំបន់ភ្នំជាដើម ដែលមិនទាន់ភ្ជាប់បណ្តាញជាតិ។

យន្តការចំនួន២ ដែលឯកឧត្តម កែវ រតនៈ បានលើកឡើងនោះ រួមមាន៖ ទី១. ការផ្តល់បន្ទះសូឡា ដែលបានពង្រាយជាង ១សែនផ្ទាំង រួចមកហើយ ក្នុងគោលបំណងបន្ថយការកាប់ព្រៃលិចទឹកយកមកប្រើប្រាស់ និងមានថាមពលស្អាតដើម្បីប្រើប្រាស់។ ការពង្រាយបន្ទះសូឡានេះ គឺមិនជាដំណោះស្រាយអចិន្ត្រៃយ៍នោះទេ ព្រោះអាចប្រើប្រាស់បានកម្រិតតិចតួច មិនអាចធ្វើអាជីវកម្ម ឬប្រើប្រាស់ទ្រង់ទ្រាយធំបាន។

ទី២. បន្តពង្រីកបណ្តាញជាតិ ដែលបង្កើតជាមួយធនាគារពិភពលោក ធនាគារអភិវឌ្ឍន៍អាស៊ី និងដៃគូដទៃទៀត ពោលគឺប្រើប្រាស់កម្មវិធីមួយ ហៅថា «គីឡូចុងក្រោយ» ដែលនឹងក្តោបយកអ្នកមិនទាន់មានអគ្គិសនីបណ្តាញជាតិ អាចទទួលបានអគ្គិសនីប្រើប្រាស់ក្នុងកម្រិតណាមួយ។

សូមអញ្ជើញទស្សនាវីដេអូខ្លីអំពីប្រសាសន៍កាលពីថ្ងៃទី៤ ខែតុលា ឆ្នាំ២០២៤ របស់ឯកឧត្តម កែវ រតនៈ ពីដំណោះស្រាយសម្រាប់ប្រជាពលរដ្ឋ ដែលមិនទាន់មានអគ្គិសនីបណ្តាញជាតិប្រើប្រាស់ ដូចតទៅ៖ https://www.youtube.com/watch?v=BIIRNUbIpXY