ភ្នំពេញ៖ ឯកឧត្តម កែវ រតនៈ រដ្ឋមន្ដ្រីក្រសួងរ៉ែ និងថាមពល បានលើកឡើងថា កម្ពុជា នឹងមិនអភិវឌ្ឍន៍គម្រោងអគ្គិសនីដើរដោយធ្យូងថ្មថ្មីទៀតទេ ដែលក្នុងនោះមិនមែនដោយសារ កម្ពុជាមិនត្រូវការថាមពលដើរដោយធ្យូងថ្មទេ ប៉ុន្តែយើងឱ្យតម្លៃលើបញ្ហាបរិស្ថាន និងបញ្ហាតុល្យភាពចីរភាព។

ក្នុងបាឋកថា ស្ដីពី «គោលនយោបាយថាមពលកម្ពុជា» នៅមជ្ឈមណ្ឌលសហប្រតិបត្ដិការ កម្ពុជា-ជប៉ុន (CJCC) ក្នុងសាកលវិទ្យាល័យភូមិន្ទភ្នំពេញ កាលពីថ្ងៃទី០៤ ខែតុលា ឆ្នាំ២០២៤ ឯកឧត្តមរដ្ឋមន្ដ្រីក្រសួងរ៉ែ បានបន្តថា៖ «សព្វថ្ងៃ ធ្យូងថ្ម នៅផលិតបានប្រមាណ ៣២%ក្នុងបណ្តាញជាតិ ពីព្រោះថាមពលធ្យូងថ្ម គឺថោកជាងគេ ហើយអាចផ្តល់ថាមពលអគ្គិសនីបានដល់ ២៤ម៉ោង»។ ឯកឧត្តម កែវ រតនៈ បានបញ្ជាក់ថា សូឡា គ្រាន់តែជាជំនួយថែម ប៉ុន្តែមិនទាន់អាចយកមកជំនួសធ្យូងថ្មបានទេ ដូច្នេះហើយបានជា ពិភពលោកប្រើប្រាស់សូឡាត្រឹមតែ ៥% -៦% ប៉ុណ្ណោះ។

សូមអញ្ជើញទស្សនាវីដេអូខ្លីអំពីប្រសាសន៍របស់ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល ពាក់ព័ន្ធនឹងការមិនបង្កើតគម្រោង«ថាមពលដើរដោយធ្យូងថ្ម»ថ្មីនៅកម្ពុជា ដូចតទៅ៖​ https://www.youtube.com/watch?v=ZAixFZvRrfM