ភ្នំពេញ៖ ឯកឧត្តម កែវ រតនៈ រដ្ឋមន្ដ្រីក្រសួងរ៉ែ និងថាមពល បានប្រាប់ពីមូលហេតុដែលរដ្ឋាភិបាលតែងតែកាប់ដើមឈើពេលសាងសង់ទំនប់វារីអគ្គិសនី ថា ដើមឈើនឹងរលួយ ហើយកើតជាមេរោគ រួមទាំងជាតិពុលផងដែរ បើសិនមិនកាប់ចោលពេលសាងសង់ទំនប់វារីអគ្គិសនី។ អាស្រ័យហេតុដូច្នេះ ព្រៃឈើដែលស្ថិតនៅបរិវេណព្រៃអាងលិចទឹក រដ្ឋតែងតែបង្កើតក្រុមការងារដឹកនាំការដេញថ្លៃកាប់ដើមឈើសម្អាតអាង ដើម្បីផ្តល់ចំណូលចូលរដ្ឋ។

ឯកឧត្តម កែវ រតនៈ បន្តលើកឡើងដូច្នេះថា៖ «ការកាប់ព្រៃឈើនេះ គឺខាតបង់ធនធានធម្មជាតិ ប៉ុន្តែបើមិនកាប់ចេញទេ ដើមឈើនឹងបង្កជាផលប៉ះពាល់ដោយសារការរលួយ និងបាត់បង់ចំណូលជាតិទៀតផង»។ ឯកឧត្តម កែវ រតនៈ សង្កត់ធ្ងន់ថា ការកាប់ដើមឈើរបស់រដ្ឋ គឺកាប់តែកន្លែងពាក់ព័ន្ធនឹងព្រៃអាងលិចទឹក និងគន្លងខ្សែភ្លើងនោះទេ ដើម្បីកុំឱ្យរលំសង្កត់ខ្សែភ្លើងកើតជាអន្តរាយដាច់ភ្លើង រលត់ភ្លើងពេញមួយប្រទេស។

សូមអញ្ជើញទស្សនាវីដេអូខ្លីអំពីប្រសាសន៍របស់ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល ដែលពន្យល់ពីមូលហេតុដែលរដ្ឋាភិបាលកាប់ដើមឈើពេលសាងសង់ទំនប់វារីអគ្គិសនី ដូចតទៅ៖ https://youtu.be/LLOCs-lrfVg