ភ្នំពេញ៖ ឱកាសការងារចំនួន ៥៨ ៣០១កន្លែង ត្រូវបានទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ ផ្តល់ឱ្យចាប់ពីថ្ងៃទី២៣ ខែកញ្ញា ដល់ទី២៩ ខែកញ្ញា ឆ្នាំ២០២៤ ដោយក្នុងនោះយុវជន សិស្ស និស្សិត អាចដាក់ពាក្យភ្លាម និងសម្ភាសន៍ភ្លាមៗ។

ការងារជិត ៦ម៉ឺនកន្លែងនេះ នឹងផ្តល់ឱ្យក្នុងវិស័យចំនួន៣ រួមមាន៖ វិស័យឧស្សាហកម្ម ចំនួន៤៥ ២៣១កន្លែង, សេវាកម្ម មាន៣ ១៣៩កន្លែង និងកសិកម្មចំនួន ៩ ៩៣១កន្លែងផងដែរ។ ចំពោះយុវជន និងសិស្សនិស្សិតដែលកំពុងរកការងារធ្វើ អាចទំនាក់ទំនងមកកាន់ទីភ្នាក់ងារជាតិមុខរបរ និងការងារ (NEA) តាមរយៈលេខ ១២៩៧ ឬ១២៨៦ ឬតេលេក្រាម និង CoolApp លេខ ០៧៧ ២៣ ២៣ ៧៨ ដើម្បីចុះឈ្មោះ និងសម្ភាសន៍ភ្លាមៗ៕