ភ្នំពេញ៖ លោក ភេម ស៊ា ទីប្រឹក្សាអាជ្ញាធរទន្លេសាប នាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅក្នុងភូមិសាស្រ្តស្រុកកំពង់ត្រឡាច ស្រុកជលគីរី និងស្រុករលាប្អៀរ ខេត្តកំពង់ឆ្នាំង។

ការចុះសិក្សាស្រាវជ្រាវដែលធ្វើឡើងនៅថ្ងៃទី២៧-៣១ ខែសីហា ឆ្នាំ២០២៤នេះ ដើម្បីគ្រប់គ្រងស្ថិតិផលនេសាទតាមបែបវិទ្យាសាស្រ្ត ដែលបានចូលរួមក្នុងវិស័យសេដ្ឋកិច្ចជាតិ និងមូលដ្ឋានគ្រឹះគ្រប់គ្រាន់ ក្នុងការចូលរួមជាមតិថ្នាក់ជាតិ ក្នុងការកំណត់គោលនយោបាយសម្រាប់គ្រប់គ្រងវិស័យជលផលឱ្យមានប្រសិទ្ធភាព និងនិរន្តរភាព។ បើតាមការចុះផ្សាយរបស់អាជ្ញាធរទន្លេសាប បានបញ្ជាក់បន្ថែមថា ការសិក្សានេះ ក៏ដើម្បីមានទិន្នន័យសម្រាប់ការប្រៀបធៀបទៅនឹងលទ្ធផលពីអតីតកាលផងដែរ៕