ភ្នំពេញ៖ សមាគមសិល្បករខ្មែរ នឹងរៀបចំព្រឹត្តិការណ៍ «ស្នាមញញឹមនៃកម្ពុជា» ដើម្បីចូលរួមផ្សព្វផ្សាយវប្បធម៌ខ្មែរដល់ទេសចរណ៍ និងទាក់ទាញភ្ញៀវទេសចរអន្តរជាតិ។ បើតាមការចុះផ្សាយពីរដ្ឋបាលខេត្តសៀមរាប កម្មវិធីនេះនឹងប្រព្រឹត្តឡើងនៅថ្ងៃទី១២-១៦ ខែសីហា ឆ្នាំ២០២៤ ស្ថិតនៅអតីតទីស្នាក់ការអង្គភាពនគរបាលការពារបេតិកភណ្ឌប្រចាំរមណីយដ្ឋានអង្គរ។

ក្នុងព្រឹត្តិការណ៍នេះ នឹងមានការរៀបចំសកម្មភាពមួយចំនួនដូចជា កម្មវិធីកម្សាន្ត ការបង្ហាញពិព័រណ៍ខ្នាត តូចនៃមុខម្ហូបខ្មែរ ការបង្កើតនូវស្នាដៃផ្សព្វផ្សាយពីវប្បធម៌ និងកម្មវិធីផ្សេងៗមួយចំនួនទៀត ដើម្បីជាស្នាមញញឹមដល់ភ្ញៀវទេសចរដែលបានមកចូលរួមក្នុងព្រឹត្តិការណ៍នេះ។ រដ្ឋបាលខេត្តសៀមរាប បានអំពាវនាវ នាថ្ងៃទី៧ ខែសីហា ឆ្នាំ២០២៤ ឱ្យប្រជាពលរដ្ឋ និងភ្ញៀវទេសចរមកចូលរួមក្នុងព្រឹត្តិការណ៍«ស្នាមញញឹមនៃកម្ពុជា»ឱ្យបានច្រើនកុះករ៕