ភ្នំពេញ៖ ក្រសួងពាណិជ្ជកម្ម ជំរុញឱ្យម្ចាស់អាជីវកម្ម ម្ចាស់ក្រុមហ៊ុន សហគ្រាស និងសាធារណជនចូលរួមពិព័រណ៍ស្បែកជើងអន្តរជាតិឥណ្ឌាលើកទី៨ ដែលរៀបចំដោយអង្គភាពជំរុញពាណិជ្ជកម្មឥណ្ឌា (ITPO) និងសហព័ន្ធឧស្សាហកម្មស្បែកជើងឥណ្ឌា។ តាមការចុះផ្សាយរបស់ក្រសួងពាណិជ្ជកម្ម នាថ្ងៃទី១៤ ខែកក្កដា ឆ្នាំ២០២៤ ពិព័រណ៍ស្បែកជើងអន្តរជាតិឥណ្ឌាលើកទី៨នេះ នឹងផ្ដល់ឱកាសដល់ម្ចាស់ក្រុមហ៊ុន និងសហគ្រាស អាចនាំចូលផលិតផលស្បែកជើងពីប្រទេសឥណ្ឌាមកកាន់ទីផ្សារក្នុងស្រុកនៅកម្ពុជាកាន់តែងាយស្រួល។

ពិព័រណ៍ស្បែកជើងអន្តរជាតិឥណ្ឌាលើកទី៨ ដែលស្ថិតនៅ Bharat Mandapam, Pragati Maidan, ទីក្រុងញូវដេលី ប្រទេសឥណ្ឌា នឹងធ្វើឡើងនៅថ្ងៃទី៨-១០ ខែសីហា ឆ្នាំ២០២៤។ ពិព័រណ៍ស្បែកជើងអន្តរជាតិឥណ្ឌានេះ ជាវេទិកាតាំងបង្ហាញសម្ភារស្បែកជើង ខ្សែច្រវាក់ ផលិតផល ឧបករណ៍ បច្ចេកវិទ្យា សមាសធាតុវត្ថុធាតុដើម សមាសធាតុសម្រាប់ផលិតផលស្បែកជើង សម្ភារសំយោគ (PVC និង PU) សារធាតុគីមី ផលិតផលស្បែក និងគ្រឿងបន្លាស់ជាដើម។

ចំពោះ ពាណិជ្ជករ ផលិតករ ដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ខាងលើ អាចទាក់ទងបំពេញបែបបទតាមតំណភ្ជាប់ https://domesticbooking.indiatradefair.com តាមរយៈលោក Shri Alok Jain ឬតាមរយៈទូរស័ព្ទលេខ +៩-៩៨១១១២១៦៣៦ ឬអ៊ីម៉ែល iff.cificgmail.com:/[email protected] សម្រាប់ព័ត៌មានបន្ថែមអាចចូលទៅកាន់ https://indiatradelair.com/footwear-fair ត្រឹមថ្ងៃទី១ ខែសីហា ឆ្នាំ២០២៤៕