ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ និងសាកលវិទ្យាល័យភូមិន្ទកសិកម្ម ប្រកាសជ្រើសនិស្សិតស្ម័គ្រចិត្តធ្វើការងារជាមួយ«សហគមន៍កសិកម្មទំនើប» នៅតាមខេត្តគោលដៅ ដោយទទួលបានប្រាក់ឧបត្ថម្ភប្រចាំខែ និងទទួលបានការបណ្តុះបណ្តាលចំណេះដឹង និងជំនាញបន្ថែម។ បើតាមសេចក្តីប្រកាសឱកាសការងារនេះ នឹងផុតកំណត់ដាក់ពាក្យនៅថ្ងៃទី២១ ខែកក្កដា ឆ្នាំ២០២៤។

លក្ខខណ្ឌនៃការជ្រើសរើស គឺជានិស្សិតឆ្នាំទី៤ ឬអតីតនិស្សិតនៃសាកលវិទ្យាល័យភូមិន្ទកសិកម្ម, ជានិស្សិតឆ្នើម, មានចំណេះដឹងភាសាអង់គ្លេសល្អ, អាចប្រើប្រាស់កម្មវិធី Microsoft Word Excel និង Power Point ផងដែរ។ ក្នុងសេចក្តីប្រកាសដដែលបានបញ្ជាក់ពីលក្ខខណ្ឌបន្ថែមថា ត្រូវតែជានិស្សិតដែលឧស្សាហ៍ព្យាយាម អត់ធ្មត់ តស៊ូ មានឆន្ទះមោះមុត និងមានទំនួលខុសត្រូវខ្ពស់លើការងារ និងអាចធ្វើការងារជាមួយកសិករក្នុងសហគមន៍បាន។

និស្សិតដែលមានចំណាប់អារម្មណ៍នឹងការងារ«សហគមន៍កសិកម្មទំនើប»នេះ អាចទាក់ទងតាមលេខ ០១០ ៥៥២ ៣០៣ ឬ Email: [email protected] និងសាកលវិទ្យាល័យភូមិន្ទកសិកម្មផ្ទាល់៕