ភ្នំពេញ៖ ករណីវាយប្រហារតាមប្រព័ន្ធសាយប័រពីក្រុមអនាមិកយ៉ាងសកម្មគួរឱ្យកត់សម្គាល់ នាពេលថ្មីៗនេះ ក្នុងនោះអគ្គនាយកដ្ឋានសេដ្ឋកិច្ចឌីជីថល បានដកស្រង់ និងចែករំលែកគន្លឹះមួយចំនួន ដើម្បីបង្កើនការប្រុងប្រយ័ត្ន និងបង្ការការពារពីការវាយប្រហារ ឬឆបោកតាមប្រព័ន្ធសាយប័រ។

ចំពោះ ចំណុចដែលមិនគួរធ្វើ មានដូចជា៖ ប្រើប្រាស់ពាក្យសម្ងាត់ងាយស្រួលចាំ, ចុច Link ដែលមិនស្គាល់, ចុចចូល File ដែលមិនមានប្រភពមិនច្បាស់លាស់, ប្រើប្រាស់ Wi-Fi សាធារណៈ។ រីឯ ចំណុចគួរធ្វើវិញ រួមមាន៖ ប្រើប្រាស់ Multi-Factor Authentication (MFA), ពិនិត្យមើល Link ឱ្យច្បាស់មុននឹងចុច, ទទួលយក File ដែលមានប្រភពច្បាស់លាស់, ប្រើប្រាស់បណ្ដាញទំនាក់ទំនងដែលមានសុវត្ថិភាព។

ជាមួយគ្នានេះ អគ្គនាយកដ្ឋានសេដ្ឋកិច្ចឌីជីថល បានឱ្យដឹងថា កាលពីពេលថ្មីៗនេះ មានការលេចធ្លាយ ពាក្យសម្ងាត់នៃគណនី (User Password) ជាច្រើនរបស់ប្រព័ន្ធនានា នៅក្នុងទីផ្សារងងឹតឌីជីថល (Dark Web) ដែលម្ចាស់ខ្លួនមិនដឹងខ្លួន៕