ភ្នំពេញ៖ កម្ពុជា បន្តធាក់ភ្លៀងក្នុងកម្រិតខ្សោយទៅបង្គួរ ចាប់ពីថ្ងៃទី៣០ ខែកញ្ញា ដល់ថ្ងៃទី៤ ខែតុលា ដោយការទទួលរងឥទ្ធិពខ្សោយពីប្រព័ន្ធសម្ពាធទាប (ITCZ) អូសបន្លាយលើអាងមេគង្គ ថៃ និង ឡាវ ជាមួយនឹងខ្យល់មូសុងនិរតីខ្សោយ។

បើតាមការជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី៣០ ខែកញ្ញា ឆ្នាំ២០២៣នេះ ព្យាករស្ថានភាពធាតុអាកាស ថា បណ្តាខេត្តនៅភាគពាយ័ព្យ និងភាគខាងជើង អាចមានភ្លៀងធ្លាក់ក្នុងកម្រិតខ្សោយ ខណៈ រាជធានីភ្នំពេញ និងបណ្តាខេត្តនៅភាគខាងត្បូង ខាងកើតជាប់នឹងប្រទេសវៀតណាម និងតំបន់សមុទ្រ អាចមានភ្លៀងធ្លាក់ក្នុងកម្រិតពីតិចទៅបង្គួរ។

ចំណែក ក្នុងរាជធានីភ្នំពេញនៅថ្ងៃទី៣០ កញ្ញានេះ អាចមានភ្លៀងធ្លាក់នៅក្នុងកម្រិតបង្គួរដោយគ្របដណ្តប់លើផ្ទៃដី៩០ភាគរយ