ភ្នំពេញ៖ រដ្ឋបាលរាជធានីភ្នំពេញ បានរៀបចំតុបតែងលម្អត្រៀមសម្រាប់ឱកាសចូលឆ្នាំថ្មីប្រពៃណីជាតិ នាពេលខាងមុខ និងរៀបចំព្រឹត្តិការណ៍សង្ក្រាន្ត នៅក្នុងភូមិសាស្ត្ររបស់ខ្លួន ដើម្បីចូលរួមអបអរសាទរឆ្នាំថ្មីឱ្យបានអធិកអធម ព្រមទាំងរៀបចំការលេងល្បែងប្រជាប្រិយខ្មែរ ស្របតាមទំនៀមទម្លាប់ប្រពៃណីជាតិផងដែរ។

ទន្ទឹមនឹងការឱ្យប្រជាពលរដ្ឋចូលរួមរីករាយក្នុងការជួបជុំគ្រួសារ សាច់ញាតិបងប្អូន និងលេងកម្សាន្តគ្រប់ល្បែងប្រពៃណី និងការធ្វើបុណ្យទាន សម្តេចធិបតី ហ៊ុន ម៉ាណែត នៅថ្ងៃទី០១ ខែមេសា ឆ្នាំ២០២៤នេះ ក៏បានអំពាវនាវដល់សាធារណជនធ្វើដំណើរដោយគោរពច្បាប់ចរាចរណ៍ អធ្យាស្រ័យគ្នាខ្ពស់ និងសមប្រកបដោយសេចក្តីសុខ និងសុវត្ថិភាពផងដែរ៕