ភ្នំពេញ៖ ក្រុមហ៊ុន Huawei បង្ហាញចំណាប់អារម្មណ៍គាំទ្រដំណើរបរិវត្តកម្មឌីជីថល និងការបណ្តុះបណ្តាលធនធានមនុស្សក្នុងវិស័យឌីជីថលនៅកម្ពុជា។ នេះបើតាមការលើកឡើងរបស់ លោក HE Tao ប្រធានប្រចាំតំបន់អាស៊ីប៉ាស៊ីហ្វិកនៃក្រុមហ៊ុន Huawei កាលពីថ្ងៃទី៨ ខែកញ្ញា ឆ្នាំ២០២៥។

ក្នុងកិច្ចពិភាក្សាការងារ នៅទីស្តីការប្រៃសណីយ៍និងទូរគមនាគមន៍ (ក.ប.ទ.) ជាមួយ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍, លោក HE Tao ក៏បានផ្លាស់ប្តូរយោបល់លើការជំរុញ ការអភិវឌ្ឍ 5G, AI, បច្ចេកវិទ្យាក្លោដ និងគម្រោងសួនឌីជីថលរបស់ក្រសួងប្រៃសណីយ៍ផងដែរ។ នេះបើតាមការចុះផ្សាយរបស់ក្រសួងប្រៃសណីយ៍ នាថ្ងៃទី៩ ខែកញ្ញា ឆ្នាំ២០២៥៕