ភ្នំពេញ៖ គេហរទំព័រកម្ពុជា ៤.០ (Cambodia 4.0) បកស្រាយពីភាពខុសគ្នា រវាងបច្ចេកវិទ្យា Blockchain និង Database បែបប្រពៃណី ដូចខាងក្រោម៖

Blockchain សំដៅលើសំណុំកំណត់ត្រាប្រតិបត្តិការ ជាប្លុក តភ្ជាប់គ្នាពីមួយទៅមួយ និងមិនអាចកែប្រែបាន ហើយទិន្នន័យត្រូវបានរក្សាទុកនៅក្នុងប្លុក ដែលតភ្ជាប់គ្នានៅក្នុងខ្សែច្រវាក់មួយ។ Decentralized មិនមានការគ្រប់គ្រង ដោយអង្គភាពតែមួយនោះទេ (Public Blockchains) និងរាល់ទិន្នន័យត្រូវបានសរសេរ គឺមិនអាចផ្លាស់ប្តូរ ឬលុបបានឡើយ។ ប្រតិបត្តិការរបស់ Blockchain គឺអាចមើលឃើញដោយអ្នកចូលរួមទាំងអស់នៅក្នុង Public Blockchain ហើយវាមានសុវត្ថិភាពខ្ពស់ ដោយសារតែការប្រើប្រាស់ Cryptography និងមានទម្រង់ជា Decentralized។

Database បែបប្រពៃណី គឺប្រព័ន្ធដែលទិន្នន័យត្រូវបានរក្សាទុក និងគ្រប់គ្រងលើម៉ាស៊ីនមេ (Local Servers) ឬកុំព្យូទ័រមូលដ្ឋាន ហើយទិន្នន័យត្រូវបានរក្សាទុកនៅក្នុងស្ថាប័នមួយរៀងខ្លួន។ Centralized – Database ត្រូវបានគ្រប់គ្រងដោយស្ថាប័នទទួលបន្ទុក ចំណែកទិន្នន័យ អាចត្រូវបានធ្វើបច្ចុប្បន្នភាព ឬលុបនៅពេលណាក៏បាន ឱ្យតែមានការអនុញ្ញាត។ ការចូលប្រើប្រាស់ Database បែបប្រពៃណី ត្រូវតែមានការអនុញ្ញាត និងធានាសុវត្ថិភាព ប៉ុន្តែងាយរងហានិភ័យដោយសារមានការគ្រប់គ្រងដោយបុគ្គល ឬស្ថាប័ន (ឧទាហរណ៍៖ ការបំពានទិន្នន័យដោយអ្នកគ្រប់គ្រង) ៕