ភ្នំពេញ៖ នាយកដ្ឋានកសិ-ឧស្សាហកម្ម នៃក្រសួងកសិកម្ម រុក្ខាប្រមាញ់ និងនេសាទ នឹងរៀបចំ «កម្មវិធីប្រឡងប្រជែងកែច្នៃប្រហុកឆ្នើម ឆ្នាំ២០២៥» នៅខែមិថុនា ឆ្នាំ២០២៥ ខាងមុខ។ នេះបើតាមការចុះផ្សាយរបស់ ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ នាថ្ងៃទី៥ ខែឧសភា ឆ្នាំ២០២៥។

ជ័យលាភីពីលេខ១ ដល់ លេខ៣ នឹងទទួលបានពានរង្វាន់ និងអមដោយប្រាក់រង្វាន់លើកទឹកចិត្តផងដែរ។ សម្រាប់រោងចក្រ សហគ្រាស សិប្បកម្ម ឬអ្នកកែច្នៃប្រហុក ដែលមានបំណងចូលរួមប្រឡងប្រជែងកម្មវិធីខាងលើនេះ អាចចុះឈ្មោះតាមរយៈតំណភ្ជាប់៖ https://forms.gle/kA5ok8xUHanEVxxv5 ត្រឹមថ្ងៃទី៣០ ខែឧសភា ឆ្នាំ២០២៥ និងអាចទូរសព្ទតាមលេខ ០៨៥ ៦៥៧ ៨៧៩ និង ០១១ ៩៤២ ១៤២៕