ភ្នំពេញ៖ ក្រសួងពាណិជ្ជកម្ម លើកទឹកចិត្តឱ្យពាណិជ្ជករ និងសាធារណជន ចូលរួម «ពិព័រណ៍ចិន-អាស៊ាន លើកទី២២ (The 22nd China-ASEAN Expo)» ដើម្បីជំរុញការវិនិយោគ និងសកម្មភាពពាណិជ្ជកម្ម រវាងកម្ពុជា និងចិន ឱ្យដល់គោលដៅដែលរាជរដ្ឋាភិបាលទាំងពីរបានកំណត់។ នេះបើតាមការចុះផ្សាយរបស់ក្រសួងពាណិជ្ជកម្មនាថ្ងៃទី០៣ ខែឧសភា ឆ្នាំ២០២៥។

ការរៀបចំពិព័រណ៍ចិន-អាស៊ាន នេះ ធ្វើឡើងចាប់ពីថ្ងៃទី១៧-២១ ខែកញ្ញា ឆ្នាំ២០២៥ នៅមជ្ឈមណ្ឌលសន្និសីទនិងពិព័រណ៍អន្តរជាតិ នៅទីក្រុងណាននីង តំបន់ស្វយ័តក្វាងស៊ី ប្រទេសចិន ដែលមានការរៀចំដោយគណៈកម្មាធិការរៀបចំពិព័រណ៍ចិន-អាស៊ាន។ ពាក់ព័ន្ធការចូលរួមពិព័រណ៍ចិន-អាស៊ាន លើកទី២២ នេះសាធារណជន សហគ្រិន វិនិយោគិន និងផលិតករកម្ពុជា ដែលមានបំណងតាំងបង្ហាញ លក់ផលិតផល សេវាកម្ម និងចាប់ដៃគូពាណិជ្ជកម្មជាមួយពាណិជ្ជករចិន និងអាស៊ាន អាចដាក់ពាក្យចូលរួមរហូតដល់ថ្ងៃទី៩ ខែកក្កដា ឆ្នាំ២០២៥។

ចំពោះ ព័ត៌មានបន្ថែម សាធារណជនអាចទំនាក់ទំនងមកនាយកដ្ឋានកិច្ចការពិព័រណ៍ នៃអគ្គនាយកដ្ឋានជំរុញពាណិជ្ជកម្ម តាមរយៈលេខទូរសព្ទ +៨៥៥ ១៦ ៤១៦ ៨២៥/ +៨៥៥ ១៧ ៧៥៩ ៥៦៧ /+៨៥៥ ៨៧ ៧៥៥ ៥៥១ ឬតាមរយៈអ៊ីម៉ែល៖ [email protected] / tong [email protected]៕