ភ្នំពេញ៖ ក្រសួងទេសចរណ៍ ជ្រើសរើសសិក្ខាកាមចំនួន ១០នាក់ ឱ្យចូលរួមវគ្គបណ្តុះបណ្តាលជំនាញកក់សំបុត្រយន្តហោះ (Ticketing) តាមប្រព័ន្ធកក់សំបុត្រយន្តហោះ (GALILEO Distribution System) វគ្គទី៤ ដោយឥតគិតថ្លៃ។

សេចក្តីជូនដំណឹងរបស់ ក្រសួងទេសចរណ៍ ឱ្យដឹងថា វគ្គសិក្សានេះ ចាប់ផ្តើពីថ្ងៃទី១៩-៣០ ខែឧសភា ឆ្នាំ២០២៥ ដោយក្នុងនោះសាធារណជន ត្រូវមានចំណេះដឹងភាសាអង់គ្លេស និងអាចប្រើប្រាស់កុំព្យូទ័រកម្រិតមូលដ្ឋាន។ បេក្ខជន ត្រូវប្រឡងបញ្ចប់វគ្គ និងទទួលបានពិន្ទុចាប់ពី ៨០ពិន្ទុឡើងទៅ (ពិន្ទុអតិបរមា ១០០ពិន្ទុ) ហើយសិក្ខាកាម ដែលបានបញ្ចប់វគ្គបណ្តុះបណ្តាលដោយជោគជ័យ នឹងទទួលបានវិញ្ញាបនបត្រ បញ្ជាក់ការសិក្សាលើជំនាញកក់សំបុត្រយន្តហោះតាមប្រព័ន្ធ GALILEO Distribution System។

យុវជន សិស្ស និស្សិត និងអ្នកបម្រើការក្នុងឧស្សាហកម្មទេសចរណ៍ ជាពិសេសជំនាញកក់សំបុត្រយន្តហោះ ដែលមានបំណងចូលរួមក្នុងក្នុងវគ្គបណ្តុះបណ្តាលខាងលើ អាចចុះឈ្មោះតាមរយៈតំណភ្ជាប់ https://tptd.org ដោយទីតាំងវគ្គបណ្តុះបណ្តាល ស្ថិតនៅការិយាល័យក្រុមហ៊ុន TRAVELPORT Official Partner៕