ភ្នំពេញ៖ សភាពាណិជ្ជកម្មកម្ពុជា នឹងរៀបចំសិក្ខាសាលាស្តីពី៖ «អត្ថប្រយោជន៍នៃការប្រើប្រាស់ស្លាកសញ្ញាស្ដង់ដារសម្រាប់ផលិតផល និងប្រព័ន្ធផលិតកម្ម» ដល់ម្ចាស់អាជីវកម្ម នៅថ្ងៃទី២៣ ខែមេសា ឆ្នាំ២០២៥។

សហគ្រិន ដែលចូលរួមក្នុងវគ្គបណ្តុះបណ្តាលនេះ នឹងទទួលបានការយល់ដឹងអំពីនីតិវិធីក្នុងការប្រើប្រាស់ស្លាកសញ្ញាស្តង់ដារ ឱ្យបានត្រឹមត្រូវ, ការលើកទឹកចិត្ត តាមរយៈការផ្តល់ហិរញ្ញប្បទានសម្រាប់ការបណ្តុះបណ្តាលជំនាញដល់សហគ្រាសធុនតូច និងមធ្យម (SMEs) និងឱកាសចូលរួមក្នុងការប្រាស្រ័យទាក់ទងជាមួយអ្នកជំនាញ ដែលមកពីស្ថាប័នផ្សេងៗ ពិសេសបង្កើនឱកាសទំនាក់ទំនងជាម្ចាស់អាជីវកម្មនានាផងដែរ។

សិក្ខាសាលានេះ នឹងរៀបចំឡើងនៅម៉ោង ៨:០០ - ១១:៣០នាទីព្រឹក នៅសណ្ឋាគារស្ទឹងសង្កែ ខេត្តបាត់ដំបង ដោយក្នុងនោះសាធារណជន អាចចុះឈ្មោះចូលរួមតាមរយៈ https://forms.gle/VdRxYtbwoLtYQRTN6 ដោយឥតគិតថ្លៃ។ ចំពោះព័ត៌មានបន្ថែម អាចទាក់ទងមកកាន់លេខទូរសព្ទ ០១២ ២៨៩ ១៨៩ ឬ ០៧០ ៧២ ៧៧ ៧៨៕