ភ្នំពេញ៖ ក្រុមហ៊ុនបច្ចេកវិទ្យា Apple បានបញ្ចេញនូវកំណែប្រែសុសវែរជំនាន់ចុងក្រោយ គឺ iOS 18.4 ដើម្បីបន្ថែមមុខងារសំខាន់ៗ និងផ្តល់ភាពងាយស្រួលដល់អ្នកប្រើប្រាស់ ស្របតាមសម័យកាលឌីជីថល។ កម្ពុជាឆ្ពោះទៅរកឌីជីថល បានចែករំលែកពីមុខងារបន្ថែម នៃការធ្វើបច្ចុប្បន្នភាពកំណែប្រែសុសវែរជំនាន់ចុងក្រោយ គឺ iOS 18.4 ដូចខាងក្រោម៖

មុខងារទី១. គឺ Sketch style in Image Playground៖ មុខងារ Image Playground គឺជាមុខងារមួយរបស់ Apple Intelligence ដែលអនុញ្ញាតឱ្យអ្នកប្រើប្រាស់បង្កើតរូបភាពផ្សេងៗ ដោយប្រើប្រាស់ការពិពណ៌នា គំនិត ឬអាចជ្រើសរើសរូបគម្រូពីបណ្ណាល័យរូបថតរបស់ពួកគេ ដោយផ្តល់ជូននូវរចនាបទជាច្រើន និងជម្រើសដែលអាចប្តូរតាមបំណងបាន។ ទី២. មុខងារ Apple's Visual Intelligence ជាផ្នែកមួយនៃ Apple Intelligence ជាមុខងារ AI ដែលប្រើកាមេរ៉ារបស់ iPhone ដើម្បីជួយអ្នកស្វែងយល់អំពីអ្វីៗ ដែលនៅជុំវិញអ្នក ដោយអនុញ្ញាតឱ្យអ្នកអាចកំណត់អត្តសញ្ញាណវត្ថុ បកប្រែអត្ថបទ សង្ខេបព័ត៌មាន និងអ្វីផ្សេងៗទៀត ដោយគ្រាន់តែសង្កត់ Camera Control។

ទី៣. មុខងារ Ambient Music feature in Control Center៖ ជាមុខងារមួយរបស់ Apple Intelligence ដែលវាមាន Mood ចំនួន៤ ដូចជា Sleep, Chill, Productivity និង Wellbeing ដោយអ្នកអាចជ្រើសយក Mood មួយណា ដែលពេញចិត្តទៅតាមការចង់បាន។ សាធារណជន ក៏អាចបង្កើតនូវ Music Playlist បានដោយខ្លួនឯងផងដែរ។ ទី៤. Pause Resume App Store Download ដែលអាចបញ្ឈប់ការដោនឡូតបណ្តោះអាសន្ន (Resume) ហើយដោនឡូតបន្តនៅក្នុង App Store បានភ្លាមៗតែម្តង ដោយមិនចាំបាច់ចេញមក ផ្ទាំង UI ខាងក្រៅទៀតឡើយ។

ទី៥. Apple Vision Pro App ដែលផ្តល់ឱ្យអ្នកប្រើប្រាស់ក្នុងការស្វែងរកបទពិសោធថ្មីៗងាយស្រួលស្វែងរកគន្លឹះនិង ចូលប្រើព័ត៌មានអំពី Vision Pro របស់ពួកគេបានយ៉ាងរហ័ស។ ទី៦. New Emoji កំណែប្រែថ្មី iOS18.4 ក្រុមហ៊ុន Apple បានបន្ថែមនូវ Emoji ថ្មីមួយចំនួនមាន Face with Eyes Bags, Splatter, Fingerprint, Shovel៕