ភ្នំពេញ៖ វិនិយោគិននៃសម្ព័ន្ធក្រុមហ៊ុន East Group ស្នើសុំបង្កើតតំបន់សេដ្ឋកិច្ចពិសេស នៅក្នុងស្រុកព្រៃនប់ ខេត្តព្រះសីហនុ។ នេះជាការលើកឡើងរបស់វិនិយោគិននៃសម្ព័ន្ធក្រុមហ៊ុន East Group ដឹកនាំដោយ អ្នកឧកញ៉ា លី សេងឃាង ប្រធានក្រុមប្រឹក្សាភិបាល ក្នុងជំនួបជាមួយឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា។

ក្នុងជំនួបនាថ្ងៃទី៤ ខែមីនា ឆ្នាំ២០២៥ នេះ អ្នកឧកញ៉ា លី សេងឃាង ក៏បានស្នើសុំការចង្អុលបង្ហាញពីឯកឧត្តម ស៊ុន ចាន់ថុល និងថ្នាក់ដឹកនាំជំនាញ ដើម្បីសំដៅធ្វើឱ្យគម្រោងស្នើសុំបង្កើតតំបន់សេដ្ឋកិច្ចពិសេសមួយនេះ អាចប្រព្រឹត្តទៅបានដោយរលូន ពិសេសមានអនុលោមភាពតាមច្បាប់ និងបទដ្ឋានគតិយុត្តពាក់ព័ន្ធគ្រប់ប្រការ៕