ភ្នំពេញ៖ ក្រសួងទេសចរណ៍ បានអំពាវនាវឱ្យម្ចាស់ ឬអ្នកគ្រប់គ្រងអាជីវកម្មស៉្បា-ម៉ាស្សា ដាក់ពាក្យប្រឡងប្រណាំងស្តង់ដារអាស៊ានលើកទី៣ (3rd ASEAN Spa Services Standard) ដើម្បីជំរុញគុណភាពសេវាកម្មស៉្បា-ម៉ាស្សា ក្នុងតំបន់ឱ្យមានកម្រិតគុណភាពស្តង់ដារខ្ពស់។ នេះបើតាមការចេញផ្សាយរបស់ក្រសួងទេសចរណ៍ កាលពីថ្ងៃទី២២ ខែតុលា ឆ្នាំ២០២៤។

ដើម្បីចូលរួមកម្មវិធីប្រឡងប្រណាំង ដែលដាក់ចេញដោយលេខាធិការដ្ឋានអាស៊ាននេះ ម្ចាស់ ឬអ្នកគ្រប់គ្រងអាជីវកម្មស៉្បា-ម៉ាស្សាត្រូវធ្វើ ដូចជា៖ ទាញយកពាក្យស្នើសុំតាមប្រព័ន្ធអនឡាញ តាមរយៈការស្កេនQR Code, ត្រូវបំពេញពាក្យស្នើសុំ ដោយភ្ជាប់មកជាមួយនូវអាជ្ញាបណ្ណទេសចរណ៍, ត្រូវដាក់ពាក្យស្នើសុំមកក្រសួងទេសចរណ៍ ឬមន្ទីរទេសចរណ៍រាជធានីខេត្ត។

ម្ចាស់ ឬអ្នកគ្រប់គ្រងអាជីវកម្មស៉្បា-ម៉ាស្សាទាំងអស់ ដែលចង់ចូលរួមក្នុងកម្មវិធីខាងលើ អាចដាក់ពាក្យចូលរួម សម្រាប់ឆ្នាំ២០២៤-២០២៥ ត្រឹមថ្ងៃទី១១ ខែវិច្ឆិកា ឆ្នាំ២០២៤។ ចំពោះព័ត៌មានបន្ថែម អាចទំនាក់ទំនងទូរសព្ទលេខ ០១១ ៧៨០ ៦៩៤ ឬ ០៩២ ៧៧៩ ៨៣៣៕