ភ្នំពេញ៖ សមាគមពាណិជ្ជកម្ម និងឧស្សាហកម្មកម្ពុជា-ចិន ក្វាងទុង នឹងរៀបចំសិក្ខាសាលាស្តីពី «ឱកាស និងយុទ្ធសាស្រ្តធ្វើពាណិជ្ជកម្មកម្ពុជា-ចិន» ដើម្បីចែករំលែកចំណេះដឹង និងបទពិសោធ ក្នុងការនាំចេញទំនិញទៅកាន់ប្រទេសចិន និងការនាំចូលទំនិញមកកម្ពុជា។ នេះបើតាមការចុះផ្សាយរបស់សមាគមពាណិជ្ជកម្ម និងឧស្សាហកម្មកម្ពុជា-ចិន ក្វាងទុង នាថ្ងៃទី១៥ ខែតុលា ឆ្នាំ២០២៤។

សិក្ខាសាលាស្តីពី «ឱកាស និងយុទ្ធសាស្រ្តធ្វើពាណិជ្ជកម្មកម្ពុជា-ចិន»នេះ រៀបចំឡើងនៅថ្ងៃទី២៧ ខែតុលា ឆ្នាំ២០២៤ វេលាម៉ោង ៨:00នាទី ដល់ ១២:00នាទី ដែលស្ថិតនៅមជ្ឈមណ្ឌលអភិវឌ្ឍន៍ធុរកិច្ច ជាន់ទី១៥។ សិក្ខាសាលានេះ នឹងមានការចូលរួមពីម្ចាស់រោងចក្រ អ្នកផ្គត់ផ្គង់ពីប្រទេសចិន វាគ្មិនកិត្តិយសមកពីស្ថាប័នរដ្ឋ និងឯកជន ក្នុងនោះសាធារណជន ក៏អាចចូលរួមដោយឥតគិតថ្លៃផងដែរ។

សិក្ខាសាលាខាងលើនេះ ធ្វើឡើងក្នុងគោលបំណងចំនួន ៤ដូចជា៖ ១.យល់ដឹងពីឱកាស និងនីតិវិធីក្នុងការជំរុញការនាំចេញផលិតកម្ពុជាទៅកាន់ទីផ្សារប្រទេសចិន, ២. ដឹងពីរបៀបក្នុងការសហការពាណិជ្ជកម្មកម្ពុជា-ចិន, ៣. គោលនយោបាយ និងច្បាប់ពាណិជ្ជកម្មកម្ពុជាចិន និង៤.ឱកាសជួបជាមួយរោងចក្រ អ្នកផ្គត់ផ្គង់ អ្នកវិនិយោគចិន មន្រ្តី និងអាជីវករក្នុងស្រុកជាច្រើននាក់ផងដែរ។ សាធារណជន អាចចុះឈ្មោះចូលរួមកម្មវិធីតាមរយៈ https://forms.gle/wtRCUMEK2axezipYA ឬលេខទូរសព្ទៈ ០៩៨ ៨១១ ០១១៕