ភ្នំពេញ៖ ក្រសួងប្រៃសណីយ៍និងទូរគមនាគមន៍ (ក.ប.ទ.) ជ្រើសរើសបុគ្គលិកជាប់កិច្ចសន្យាចំនួន ៥រូប មកបម្រើការងារពេញម៉ោង ក្នុងមុខតំណែងជំនាញផ្នែកច្បាប់ និងគោលនយោបាយ នៅទីស្ដីការក.ប.ទ.។ បើតាមការចុះផ្សាយរបស់ ក.ប.ទ. កាលពីថ្ងៃទី០៣ ខែមករា ឆ្នាំ២០២៤ បេក្ខជន អាចដាក់ពាក្យចាប់ពីថ្ងៃនេះ រហូតដល់ថ្ងៃទី២៤ ខែមករា ឆ្នាំ២០២៥ វេលាម៉ោង ១៧:០០នាទី។

បេក្ខជន ត្រូវបំពេញលក្ខខណ្ឌ និងមានគុណវល្លិ ដូចជា៖ មានបរិញ្ញាបត្រផ្នែកនីតិសាស្ត្រ ឬគោលនយោបាយសាធារណៈ ឬសេដ្ឋកិច្ចឌីជីថល, មានបរិញ្ញាបត្រជាន់ខ្ពស់ ឬបណ្ឌិតផ្នែកនីតិសាស្ត្រ ឬគោលនយោបាយសាធារណៈ ឬសេដ្ឋកិច្ចឌីជីថល, មានសមត្ថភាពស្រាវជ្រាវ សរសេរ គិតវិភាគ និងដោះស្រាយបញ្ហា។ បេក្ខជន ត្រូវមានចំណេះដឹងភាសាខ្មែរ និងភាសាអង់គ្លេសស្ទាត់ជំនាញ, មានផ្នត់គំនិតបំពេញការងារប្រកបដោយស្មារតីទទួលខុសត្រូវ, មានជំនាញប្រាស្រ័យទាក់ទងប្រកបដោយប្រសិទ្ធភាព, មានបទពិសោធយ៉ាងតិច ១ឆ្នាំពាក់ព័ន្ធនឹងផ្នែកនីតិសាស្ត្រ ឬគោលនយោបាយសាធារណៈ ឬសេដ្ឋកិច្ចឌីជីថល។

បេក្ខជន ក៏ត្រូវសិក្សា ស្រាវជ្រាវ និងវិភាគលើច្បាប់ គោលនយោបាយ និងលិខិតបទដ្ឋានគតិយុត្តពាក់ព័ន្ធបច្ចេកវិទ្យាឌីជីថល, រៀបចំ និងសរសេរច្បាប់គោលនយោបាយ និងលិខិតបទដ្ឋានគតិយុត្តពាក់ព័ន្ធនឹងបច្ចេកវិទ្យាឌីជីថល, សម្របសម្រួលក្រុមការងារបច្ចេកទេសជំរុញនិងគាំទ្រដល់ការរៀបចំច្បាប់, សម្របសម្រួលជាមួយភាគីពាក់ព័ន្ធ នឹងវិស័យឌីជីថល, រៀបចំរបាយការណ៍ សុន្ទរកថា និងឯកសាររដ្ឋបាលដទៃទៀតជូនថ្នាក់ដឹកនាំ, រៀបចំ និងចូលរួមកិច្ចប្រជុំ សិក្ខាសាលា និងអនុវត្តភារកិច្ចផ្សេងទៀតតាមការប្រគល់ជូនពីថ្នាក់ដឹកនាំ។

ចំពោះ បេក្ខជនដែលមានចំណាប់អារម្មណ៍ អាចបំពេញពាក្យស្នើសុំតាមរយៈតំណភ្ជាប់ https://go.gov.kh/mptc/form-recruitment និងភ្ជាប់ Cover Letter និងResume។ បេក្ខជន ដែលជាប់ដំណាក់កាលជ្រើសរើស (Shortlist) នឹងត្រូវអញ្ជើញមកសម្ភាសន៍ផ្ទាល់ម្តងទៀត៕