ភ្នំពេញ៖ ឯកឧត្តម កែវ រតនៈ រដ្ឋមន្ដ្រីក្រសួងរ៉ែ និងថាមពល បានបកស្រាយនូវចម្ងល់របស់ប្រជាពលរដ្ឋ ដែលបានឆ្ងល់ថា៖ «អគ្គិសនីមានច្រើនហើយ តែភ្លើងបំភ្លឺសាធារណៈតាមខេត្តក្រុង នៅខ្វះខាតនៅឡើយ ដែលធ្វើឱ្យពិបាកក្នុងការធ្វើដំណើរ»។

ឯកឧត្តម កែវ រតនៈ បានលើកឡើងក្នុងមជ្ឈមណ្ឌលសហប្រតិបត្ដិការ កម្ពុជា-ជប៉ុន កាលពីថ្ងៃទី០៤ ខែតុលា ឆ្នាំ២០២៤ ថា ការបង់លុយភ្លើងបំភ្លឺសាធារណៈនេះ ត្រូវការប្រកួតប្រជែង ជាមួយវិស័យអាទិភាពផ្សេងៗ ដូចជា៖ វិស័យនគរបាល ការវិនិយោគទៅលើសុខាភិបាល, អប់រំ និងហេដ្ឋារចនាសម្ព័ន្ធជាដើម។

ឯកឧត្តមរដ្ឋមន្ដ្រីក្រសួងរ៉ែ បានបន្ថែមថា៖ «គ្រប់អភិបាលក្រុង និងអភិបាលខេត្តទាំងអស់ សុទ្ធតែចង់បានភ្លើងបំភ្លឺគ្រប់កន្លែងទាំងអស់ ប៉ុន្តែតើអ្នកណាអ្នកបង់លុយ ខណៈរដ្ឋាភិបាលមានតម្រូវការចំណាយខ្ពស់ទៀត ទៅលើវិស័យផ្សេងៗទៀត ដែលចាំបាច់ផងដែរ»។

សូមអញ្ជើញទស្សនាវីដេអូខ្លីអំពីប្រសាសន៍របស់ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល ដែលបានបកស្រាយនូវចម្ងល់ពលរដ្ឋអំពីអគ្គិសនីសាធារណៈនៅតាមខេត្តក្រុង ដូចតទៅ៖https://youtu.be/mVXaLZE8nl4