ភ្នំពេញ៖ កម្ពុជា លើកទឹកចិត្តរៀតណាមផ្លាស់ប្តូរជំនួបនានារវាងភាគីពាក់ព័ន្ធតាមវិស័យអាទិភាព ជាពិសេសរវាងបណ្ដាខេត្តជាប់ព្រំដែនកម្ពុជា និងទីក្រុងហូជីមិញ ដើម្បីជំរុញពាណិជ្ជកម្ម ទាក់ទាញការវិនិយោគ ការតភ្ជាប់ហេដ្ឋារចនាសម្ព័ន្ធ ការតភ្ជាប់ប្រជាជននិងប្រជាជន និងការលើកកម្ពស់វិស័យទេសចរណ៍នៃប្រទេសទាំងពីរ។

ក្នុងជំនួបជាមួយលោក Vo Van Hoan អនុប្រធានគណៈកម្មាធិការប្រជាជនទីក្រុងហូជីមិញ ឯកឧត្តម បុង សុវត្ថិ អនុរដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ ក៏បានវាយតម្លៃខ្ពស់ចំពោះការអភិវឌ្ឍគ្រប់វិស័យរបស់ទីក្រុងហូជីមិញ និងលើកឡើងពីកិច្ចប្រឹងប្រែងរបស់រាជរដ្ឋាភិបាលកម្ពុជា ក្នុងការជំរុញការងារការទូតសេដ្ឋកិច្ចដែលជាការងារអាទិភាព។ នេះបើតាមការចុះផ្សាយរបស់ក្រសួងការបរទេស នាថ្ងៃទី៨ ខែតុលា ឆ្នាំ២០២៤៕