ភ្នំពេញ៖ ការិយាល័យឥណទានកម្ពុជា ឬ Credit Bureau Cambodia (CBC) គឺជាក្រុមហ៊ុនឯកជនមួយ ដែលកត់ត្រាប្រវត្តិកម្ចីរបស់អតិថិជននៅតាមគ្រឹះស្ថានហិរញ្ញវត្ថុនានាដែលសមាជិករបស់ CBC ។ គោលដៅរបស់ CBC គឺជួយស្តារប្រវត្តិឥណទានដែលធ្លាប់មានប្រវត្តិខ្ចីមិនល្អឱ្យប្រសើរឡើងវិញ ដើម្បីជួយឱ្យអតិថិជនទទួលបានឥណទាន។ តាមរយៈការិយាល័យឥណទានកម្ពុជា អតិថិជននឹងទទួលបានអត្រាការប្រាក់សមរម្យ ដោយអាស្រ័យលើប្រវត្តិឥណទាន និងលទ្ធភាពសងកម្ចីរបស់អតិថិជននីមួយៗ។

ការិយាល័យឥណទានកម្ពុជានេះ គឺមានគោលដៅជំរុញការផ្តល់កម្ចីឱ្យចំគោលដៅ មានប្រសិទ្ធភាព និងចៀសវាងនូវបញ្ហាផ្សេងៗ ដើម្បីជាកត្តាលីករនៃការរីកលូតលាស់នៃសេដ្ឋកិច្ចជាតិ។ ជាមួយគ្នានេះ អំឡុងពេលអតិថិជនទទួលឥណទានពីការិយាល័យឥណទានកម្ពុជា អតិថិជនក៏អាចមានជម្រើសក្នុងការស្នើសុំឥណទានពីស្ថាប័ន ឬក្រុមហ៊ុនផ្តល់កម្ចីផ្សេងៗទៀតផងដែរ ដើម្បីជម្រុញឱ្យមានការប្រកួតប្រជែង បង្កើតនូវឥណទានថ្មីៗ និងអត្រាការប្រាក់សមរម្យសម្រាប់អតិថិជន។ ការិយាល័យឥណទានកម្ពុជា បានផ្តល់សារសំខាន់ដល់អតិថិជន និងសហគ្រាសហិរញ្ញវត្ថុ ក្នុងការអ្នកទាញយកផលប្រយោជន៍ពីព័ត៌មានឥណទានដូចជា ការស្នើសុំឥណទាន និងការពិនិត្យផ្ដល់កម្ចី។

ការិយាល័យឥណទានកម្ពុជា គឺជាក្រុមហ៊ុនឯកជនមួយដែលមានមុខងារផ្ដល់សេវាកម្មផ្នែកផ្តល់ព័ត៌មានអំពីហិរញ្ញវត្ថុនានា ក៏ដូចជារបាយការណ៍ឥណទានទៅដល់ស្ថាប័នហិរញ្ញវត្ថុទាំអស់នៅកម្ពុជា។ ការិយាល័យនេះ ត្រូវបានបង្កើតឡើងនៅក្នុងឆ្នាំ២០១២ ដោយមានការគាំទ្រពីធនាគារជាតិនៃកម្ពុជា (NBC) សមាគមធនាគារ (ABC) និងមីក្រូហិរញ្ញវត្ថុនៅកម្ពុជា (CMA) ព្រមទាំងប្រតិបត្តិការហិរញ្ញវត្ថអន្តរជាតិ (IFC)៕