ភ្នំពេញ៖ ស្ថានភាពនៃការផ្តល់សេវាសាធារណៈ នៅក្នុងចំណោមក្រសួងស្ថាប័នរបស់រាជរដ្ឋាភិបាលទាំងអស់ មានក្រសួងស្ថាប័នប្រមាណ១៨ ដែលមានសេវាសាធាណៈច្រើនលើសពី២០។ ក្រសួងស្ថាប័នខ្លះមិនទាន់មានសេវាសាធារណៈ ក្រសួងខ្លះទៀតមានសេវាប្រមាណ១ ឬ ២ប៉ុណ្ណោះ។ បើយោងតាមរដ្ឋាភិបាលឌីជីថលកម្ពុជា ២០២២-២០៣៥ សេវាសាធារណៈសរុបនៅកម្ពុជា គឺមានចំនួន៣១៩៦ សេវា។

ឌីជីថលរូបនីយកម្មក្រសួងស្ថាប័ននានា គឺមានគោលបំណងផ្ដល់សេវាសាធារណៈបានយ៉ាងរហ័ស មានប្រសិទ្ធភាព ការសិក្សាពីស្ថានភាពបច្ចុប្បន្ននៃការផ្តល់សេវាជារឿងចាំបាច់។ កន្លងមក រាជរដ្ឋាភិបាលបានធ្វើកំណែទម្រង់លើការផ្តល់សេវាតាមការបង្កើតកម្មវិធីជាច្រើន មានដូចជាកម្មវិធីកំណែទម្រង់រដ្ឋបាលឆ្នាំ(២០០៤-២០០៨) កម្មវិធីជាតិកំណែទម្រង់សេវាសាធារណៈ(២០១៥-២០១៨) និងបង្កើតយន្តការអនុវត្តជាច្រើនដូចជា៖ យន្តការច្រកចេញតែមួយ នៅរដ្ឋបាលថ្នាក់ក្រោមជាតិផ្តល់សេវារដ្ឋបាល និងការងារនីត្យានុកូលកម្ម និងការិយាល័យច្រកចេញចូលតែមួយ (OWSO)។

ចំពោះការិយាល័យច្រកចេញចូលតែមួយ គឺទី១. កន្លែងផ្តល់សេវាកម្មរដ្ឋបាលនៅតាមក្រុង ស្រុក ខណ្ឌ, ទី២.កន្លែងប្រមូលផ្តុំសេវាកម្មរដ្ឋបាល (ពាណិជ្ជកម្ម វប្បធម៌ ទេសចរណ៍ រៀបចំដែនដី ឧស្សាហកម្ម រ៉ែ និងថាមពលសាធារណការ អប់រំ និងសុខាភិបាល) និងនីតិកម្មរដ្ឋបាល, ទី៣. កន្លែងដែលអតិថិជនមទទួលទម្រង់បែបបទព័ត៌មានផ្សេងៗ និងបង់កម្រៃសេវា) និងទី៤.កន្លែងដែលអតិថិជនទទួលលទ្ធផលសម្រេចនៃសេវា៕

ប្រភពពីសៀវភៅ «គោលនយោបាយរដ្ឋាភិបាលឌីជីថលកម្ពុជា ឆ្នាំ២០២២-២០២៥» ៖ https://shorturl.at/o8rGR