ភ្នំពេញ៖ ការកសាងរដ្ឋាភិបាលឌីជីថលចែកចេញជា ៥កម្រិត ដែលត្រូវសម្រេចឱ្យបានត្រឹមឆ្នាំ ២០៣៥ ដោយបច្ចុប្បន្ននេះ ការកសាងរដ្ឋាភិបាលឌីជីថលកម្រិតទី១ បានចាប់ផ្តើមរួចហើយ។ ដោយឡែក ការកសាងរដ្ឋាភិបាលឌីជីថលកម្រិតទី២ និងកម្រិតទី៣ អាចចាប់ផ្តើមនៅពេលដំណាលគ្នានឹងកម្រិតទី១ ដែរ។

ចំពោះកម្រិតទាំង៣ គ្រោងនឹងបញ្ចប់នៅក្នុងដំណាក់កាលនៃការកសាងមូលដ្ឋានគ្រឹះរដ្ឋាភិបាលឌីជីថល២០២២-២០២៥។ បន្ទាប់ពីនេះ ការកសាងរដ្ឋាភិបាលឌីជីថលកម្រិតទី៤ នឹងចាប់ផ្តើម ហើយគ្រោងនឹងសម្រេចឱ្យបាននៅក្នុងដំណាក់កាលនៃការចាប់យកបច្ចេកវិទ្យាឌីជីថល ២០២៦-២០៣០។

ការកសាងរដ្ឋាភិបាលឌីជីថលកម្រិតទី៥ នឹងត្រូវអនុវត្តបន្តពីកម្រិតទី៤ ដែលគ្រោងនឹងបញ្ចប់នៅក្នុងដំណាក់កាលនៃការធ្វើបរិវត្តកម្មរដ្ឋាភិបាលឌីជីថល២០៣១-២០៣៥។ ជាមួយគ្នានេះ ការកសាងទាំង៥កម្រិតអាស្រ័យលើសកម្មភាពអាទិភាពដែលមានដំណាក់កាល និងពេលវេលាលម្អិតដូចបានកំណត់នៅក្នុងបរិសិដ្ឋ១៕

ប្រភពពីសៀវភៅ «គោលនយោបាយរដ្ឋាភិបាលឌីជីថលកម្ពុជា ២០២២-២០៣៥»៖ https://smenews.asia/doc?id=82