ភ្នំពេញ៖ «ក្របខ័ណ្ឌគោលនយោបាយជាតិគាំពារសង្គម ឆ្នាំ២០២៤-២០៣៥» មានគោលបំណងពង្រឹង ការអនុវត្តកម្មវិធីជាតិជំនួយសង្គម និងរបបសន្តិសុខសង្គមដែលមានស្រាប់ និងដាក់ចេញនូវកម្មវិធីជាតិ ជំនួយសង្គម ឬរបបសន្តិសុខសង្គមថ្មីៗ តាមស្ថានភាពជាក់ស្តែងនៃការវិវឌ្ឍសង្គម-សេដ្ឋកិច្ច ដើម្បីផ្តល់ការ គាំពារផ្នែកសន្តិសុខប្រាក់ចំណូលជូនពលរដ្ឋពេញមួយវដ្តជីវិត ដោយឈរលើគោលការណ៍ «មិនបោះបង់ ពលរដ្ឋណាម្នាក់» តាមរយៈការពង្រឹងយន្តការចុះបញ្ជីក្នុងប្រព័ន្ធ និងយន្តការកំណត់អត្តសញ្ញាណពលរដ្ឋ គោលដៅ។

ចក្ខុវិស័យរបស់រាជរដ្ឋាភិបាលកម្ពុជា គឺផ្តល់ការគាំពារដល់ពលរដ្ឋគ្រប់រូបទល់នឹងអសន្តិសុខប្រាក់ចំណូល ក្នុងពេលប្រឈមនឹងហានិភ័យនានា ក្នុងដំណាក់កាលនីមួយៗនៃវដ្តជីវិត សំដៅលើកកម្ពស់សុខភាព និងសុខុមាលភាព, កាត់បន្ថយភាពក្រីក្រ, កាត់បន្ថយវិសមភាពយេនឌ័រ និងវិសមភាពសង្គម ព្រមទាំងពង្រឹងសាមគ្គីភាព និងស្ថិរភាពសង្គម តាមរយៈការបន្តជំរុញការអភិវឌ្ឍប្រព័ន្ធគាំពារសង្គមឱ្យកាន់តែ រឹងមាំ, មានប្រសិទ្ធភាព និងប្រកបដោយចីរភាព៕

ប្រភពពីសៀវភៅ៖ តើក្របខ័ណ្ឌគោលនយោបាយជាតិគាំពារសង្គមឆ្នាំ ២០២៤-២០៣៥